Lajme

Një protestë e intensifikuar është duke u zhvilluar që nga orët e para të paradites para godinës së Teatrit Kombëtar për shkak të rrethimit të saj nga forca policore. Mediat që kanë qenë në vendngjarje kanë raportuar për përplasje fizike me policinë dhe një qytetar të lënduar. 

Artistë të ndryshëm kanë mundur të hyjnë në godinë dhe po qëndrojnë brenda, një shenjë se protesta mund të përshkallëzohet formalisht drejt një greve të mundshme urie. 

Partia Socialiste mblodhi këtë të martë Asamblenë në një mbledhje reflektimi për 30 qershorin, por që në fakt u shfrytëzua për të spastruar “armiqtë” e brendshëm. Zoti Rama bëri një mea culpa të gjatë mbi gabimet e qeverisjes dhe mesazhin e votës së 30 qershorin për ta nxjerrë kokën në fund te shkarkimet e nevojshme në nivele drejtuese.

Tre kurbanët ishin Ditmir Bushati, Lindita Nikolla dhe Blerina Gjylameti, të cilët mësuan live shkarkimin.

Ne nuk e kemi kuptuar, as e kemi ndjerë, por si zakonisht në këtë vend kemi qenë bashkëkohës të një historie të rëndësishme. Shqipëria qenka lëkundur keq më 30 qershor të këtij viti. Ajo qenka rrezikuar seriozisht, por atë e kanë shpëtuar miqtë amerikanë dhe europianë. Këtë na thotë sot nga Asambleja e Partisë Socialiste kryeministri Edi Rama, që është rishfaqur sërish me sentimentin e tij të njohur për mëmëdhenë. 

Aleanca për Mbrojtjen e Teatrit ka shpërndarë një video ku shfaqen qytetarë që flasin për mundësinë e shembjes së godinës dhe lajmet që po përhapen se policia do bëjë rrethimin e saj. Më poshtë video: 

Një paradë në ditën kombëtare të Belgjikës ka tërhequr vëmendjen për kaosin e një trupe që ka parakaluar pa ritëm dhe në mënyrë krejt të çrregullt.

Embrace The Chaos. pic.twitter.com/lWfXhN7PU7

— Tom Antonov (@Tom_Antonov) July 22, 2019

Ligji për Median Audiovizuale dhe Komunikimet Elektronike që po rishikohet nga qeveria, duke i dhënë kompetencë AMA-s të vendosë penalitet për çështjet e shpifjes është konsideruar në kufizim të lirisë së shprehjes nga OSBE.

Përfaqësuesi i saj për Lirinë e Medias, Harlem Désir, i ka dërguar Kryeministrit të Shqipërisë, Edi Rama, një leter per rishikimimim e kuadrit ligjor dhe dispozitat e tjera përkatëse lidhur me rregullimin e llojeve të caktuara të përmbajtjeve të ofruara përmes internetit.

Boris Johnson do të jetë kryeministri i ri i Britanisë së Madhe. Mediat britanike raportojnë se Johnson ka fituar garën për drejtimin e Partisë Konservatore duke mundur rivalin e Jeremy Hunt me 66% të votave. 

Johnson pritet të marrë detyrën të mërkurën, ndërkohë që kryeministra aktuale Theresa May do të përballet edhe një herë me Parlamentin përpara se të dorëzojë dorëheqjen te mbretëresha. 

Mediat raportojnë se në Finiq të Sarandës është hedhur në erë përmendorja e Thimjo Lolit, një personazh historik i pakicës greke në zonë. Nga raportimet e para thuhet se ëahtë përdorur lëndë plasëse. 
Në muajin dhjetor përmendorja u dëmtua sërish dhe me këtë rast pati reagime politike. 

Çështje a Lolit si figurë e vlerësuar në zonën e Vurgut u ngrit nga një emision televiziv në Top-Channel që në kësi rastesh, jo rrallë, jo vetëm që ka mbajtur qëndrime të njëanshme, por edhe i ka deformuar.

3-vjetori i reformës në drejtësi u përkujtua me inagurimin e godinës ku do strehohen disa institucione të reja të drejtësisë. Për arsye që nuk janë bërë publike në këtë ceremoni nuk ishin të pranishëm Presidenti Meta, kryeministri Rama dhe kreu i PD-së Basha.

Në emër të qeverisë foli ministrja e Drejtësisë, Etilda Gjonaj që tha se Edi Rama ka shpenzuar tej mundësive të veta për reformën në drejtësi me shpresën se SPAKU dhe BKH-ja do ndryshojnë fatet e vendit.

Dekanati i Fakultetit të Shkencave Natyrore  i kërko qeverisë të tërehqë vendimin e javës së kaluar për kalimin e Kopshtit Botanik në pronësi të Bashkisë së Tiranës .

Në një deklaratë për mediat në përfundim të mbledhjes së jashtëzakonshme trupa drejtuese e Fakultetit flet për cënim të rëndë të autonomisë akademike dhe prapaskena të ngjashme me përvetësimin e një hapësire të këtij Kopshti në të kaluarën në funksion të ndërtimit të Unazës së Re.