Lajme

Nëse ka një kulturë të përbashkët që depërton kufijtë shtetërorë në Ballkanin e Jugut, kjo është ajo e Vjosës. Një lum me ngarkesë mitologjike, historike, monumentale dhe etnologjike. Grekë, vllehë, shqiptarë, myslimanë e kristianë, helenë, romakë, e kryqtarë, janë aty të shenjuar në rrënojat anëlumore të një vije që ka përjetësuar një marrëdhënie kaq të larmishme dhe kaq unike.

I parë përgjithësisht në optikën e një lumi rajonal, brenda Shqipërisë së Jugut, identifikues i Toskërisë, Vjosa është padyshim shumë më tepër. Është një horizont i një historie që vazhdon.

Ja një lajm që i shkon kaq shumë si samar i shtuar një individi shqiptar. Përmes një vendimi të marrë së fundmi, qeveria e Shqipërisë ka menduar të kushtëzojë bonusin e bebeve me qëndrimin 180 ditë të prindit përfitues duke bërë verifikimin në sistemin TIMS. Konkretisht:

Bashkudhëtimi rastësor me primadonën e “Shqipville”, Ledja Canaj, gjatë fluturimit Tiranë - Bruksel, i ngjan proverbit të njohur “kur s’shkon Muhameti te mali, shkon mali te Muhameti”. Ndonëse kishim rënë dakord prej kohësh që të kryenim intervistën e famshme, asnjëherë nuk arritëm të koordinoheshim në Bruksel në ditët dhe orët e mundshme.

Intervista e Mirel Mërtirit në SyriTv dje ka ofruar një teatër që të realizuar keq nga personi në fjalë. Por ka verifikuar edhe paradokset e skenës politike dhe mediatike në Shqipëri. Mirel Mërtiri ka folur në pozitën e një të akuzuari që po sqaron opinionin publik për akzuat sipas të tij të manipuluara nga SPAK. Paneli me në krye moderatorin e Syri Tv kanë mbrojtur akuzën e SPAK duke I kërkuar llogari Mërtirit në emër të dosjes përkatësë.

Ndiqeni ekzibicionin e qeverisë sot me atë që kryeministri e quan skuadra kombëtare e negociatave për anëtarësim! Ndiqeni për të provokuar lavazhin gastrik në këtë sezon gripal, për të kuptuar se në cilën botë jetojnë ata që janë mesa duket asgjë më shumë se fotonet njerëzore të kryeministrit dhe se çfarë dallimi, çfarë ndasie ndjen dhe kupton, kushdo që ka një minimum respekti për veten kur dëgjon “këtë ekspertë” që flasin me gjuhën e informacionit politik.

 Ngjarja në burgun e Peqinit ka kaluar sot me një reagim skandaloz nga ministri i Drejtësisë, Ulsi Manja. 

Jam këtu sonte dhe do jem në vijim për të nxjerrë të gjitha përgjegjësitë ligjore, administrative, do t’i shkojmë deri në fund kësaj ngjarjeje 

ka thënë ndër të tjera ai. 

Kemi të bëjmë me një vrasje me armë në një institucion që thirret si i sigurisë së lartë. Ministri vetëm për përgjegjësitë institucionale, politike dhe morale nuk foli sepse kjo ngarkon atë në mënyrë taksative me detyrimin e dorëheqjes. 

Kryeministri i Shqipërisë Edi Rama doli sot në një konferencë për shtyp përmes së cilës tundi një fletë lavdërimi të marrë nga Komisioni Europian. Kemi shkëlqyer tha, për punën që kemi bërë në procesin screening. Proces që është me natyrë analitike dhe lidhet me përshtatjen e legjislacionit. Me këtë kartë në dorë, z. Rama ka mbuluar një problem që i është krijuar me Greqinë dhe që ka prodhuar pasoja në refuzimin e çeljes së negociatave për grupkapitujt përkatës.

Gjykata Kushtetuese  ka pezulluar ratifikimin në Kuvend të marrëveshjes Shqipëri-Itali për emigrantët. Në një njoftim të publikuar sot, Kushtetuesja bën me dije se pas marrjes në shqyrtim të padisë së deputetëve të grupit Bardhi-Berisha, automatikisht pezullohet ratifikimi i marrëveshjes në Kuvend, që pritej të bëhej nesër më 14 dhjetor. Kjo do të thotë se deri në një vendim përfundimtar nga Kushtetuesja, s’mund të kemi votim në Kuvend të marrëveshjes. Ndërkaq padia pritet të shyqrtohet më 18 janar në orën 10:00. Në njo

SPAK ka kërkuar sot arrest shtëpie për Sali Berishën për aferën e kompleksit “Partizani”. Masa është disi e çuditshme qëkurse z. Berisha ka detyrim paraqitjeje në SPAK dhe nuk e ka penguar asgjë në hetimin e tij.

Vendimi erdhi ndërkohë që paradite Monika Kryemadhi akuzoi Erjon Veliajn si kryepërgjegjës për aferën e inceneratorit të Tiranës. Kryemadhi vetë është e hetuar nga SPAK dhe për të përflitet arrestimi.

Po sot, Berisha deklaroi se Veliaj po përpiqet të arratiset dhe u ka bërë thirrje vendeve në Perëndim të mos pranojnë kërkesën për azil.

Lajmi tani ka dalë. SPAK ka lëshuar 15 urdhër arreste për çështjen e inceneratorit të Tiranës mes të cilëve figuron edhe një drejtor i rëndësishëm i Bashkisë së kryeqytetit. Interesante megjithatë që ky drejtor të ketë firmosur për një vepër prej million eurosh pa dijeninë e titullarit të institucionit. Megjithatë duhet pritur ende të shihet akuza dhe formulimi i saj për të kuptuar se për çfarë bëhet fjalë.