Lajme

Partia Demokratike duket se nuk do të kërkojë ndryshim të sistemit zgjedhor, duke lënë në fuqi atë aktual, ku listat e kandidatëve hartohen nga kryetarët e partive sipas marrëveshjes kushtetuese Rama-Berisha të vitit 2008. I pyetur në emisionin “Top Story” për mundësinë e ndryshimit të sistemit sipas ligjit grek ku partia fituese merr një bonus deputetësh që i sigurojnë mazhorancën e thjeshtë, Basha tha se opozita i mëshon një vullneti të ri politik dhe jo përmirësimeve teknike në ligj.

Ka degjeneruar në fyerje dhe akuza debati mes Andrea Stefanit dhe Preç Zogaj në “Opinion”. Tema e emisionit ishte afera e CEZ-it, por qëndrimet e kundërta mes të dyve kanë degraduar në sulme dhe akuza, të cilat moderatori Blendi Fevizu i ka toleruar deri në fund. “Ti ke qenë spiun”, i ka thënë Stefani Zogajt. Zogaj ka reaguar duke thënë se për këtë akuzë të vjetër ka folur gjykata dhe se kur flet gjykata të tjerët duhet të heshtin. “Herë tjetër do marr vendimin e gjykatës me vete dhe do të ta ngul me gozhdë mu në lule të ballit”, ka replikuar Zogaj.

Sot është zhvilluar interpelanca mes Vangjel Dules dhe kryeministrit Edi Rama për prishjen e Kishës së Shën Thanasit. Thelbi i fjalës së Ramës? Nil Katalano misionar i shqipes. Kjo është arsyeja e prishjes së një objekti të rëndomtë. Më poshtë materiali video:

Reagimi i Vangjel Dules:

Menaxheri i kombëtares shqiptare të futbollit, ish-futbollisti Alba Bushi përcjell në një intervistë për “Panorama Sport” mendimin se merita kryesore për kualifikimin i takon presidentit të Federatës, Armand Duka. “Kam dëgjuar që të flitet shumë se kush i ka meritat më të mëdha për këtë arritje historike… Për mendimin tim, meritat i kanë të gjithë shqiptarët anembanë botës… Meritat i kanë të gjithë ata djem që dhanë 200% në fushën e lojës, por merita më e madhe është e një njeriu të vetëm që quhet Armand Duka.

Kreu i Partisë Bashkimi për të Drejtat e Njeriut, Vangjel Dule, ka folur sot pas një takimi që ka patur me kreun e misionit të vëzhgimit të zgjedhjeve të vitit 2015 në Shqipëri, Audrey Glover. Dule ka kërkuar që komisionerët të mos jenë më partiakë, por njerëz profesionistë të fushave që zgjidhen në mënyrë të përhershme.  Një kërkesë spcifike e Dules ka qenë përdorimi i gjuhëve kombëtare në fletët e votimit, në ato zona ku banojë minoritete.

Këto ditë është zhvilluar në Tiranë kampionati i parë i MMA-së – Mix Martial Arts, prej nga ku kanë dalë edhe fitues. Kampionati - i federuar Ndërkombëtarisht - zhvillohet për herë të parë në vendin tonë dhe për herë të parë kemi edhe sportistë të federuar. Më poshtë në video ndeshjet: Leonardo Calderigi (fitues) vs Gerti Mezini Alessandro Sanati (fitues) vs Jozefin Hila Fabrizio Trotta vs Arbër Bejkosala (fitues)

Ne si vend kemi një raport të veçantë me ambasadorët e huaj, ndoshta kjo e trashëguar që prej themelimit të shtetit shqiptar në vitin 1912. Kanë qenë më së shumti ambasadorët që kanë zgjidhur kriza, por edhe që kanë nxitur kriza në një shtet joserioz si Shqipëria në periudha të ndryshme të historisë së saj moderne. Marrëdhënia e politikës shqiptare me disa prej tyre kalon kufijtë e kortezisë.

Andrea Stefani shkruan sot në gazetën “Dita” një shënim me titull: “Heroi im nuk është Morina, por studenti serb Vojkan Udovičić”. Shkrimi i Stefanit i kundërvihet prirjes së përgjithshme, e me investim nga një set i tërë mediatik si Top-Channel, për glorifikimin e Ismail Morinës. Së fundmi për këtë kërkohet edhe nga politika që të lirohet. Mirëpo, është njëra gjë të kritikosh qëndrimet dhe problemet tona me nacionalizmin dhe urrejtjen, e tjetër të kalosh në të kundërtën duke shpallur për modele shembuj periferikë dhe të inskenuar nga politika.

KIC 8462852 është një yll 1500 vjet dritë larg nga toka. Ai është vëzhguar nga misioni Kepler dhe ka krijuar shumë debate mbi “sjelljen” e tij. Në diskutim kanë hyrë “alienët”, mundësia e një qytetërimi jashtëtokësor që ndikon në krijimin e ciklit të dritës që vjen në marrësin që është Kepler. “Të dhënat e Kepler për yllin janë të pazakonta dhe ngacmuese: ka rënie të dritës(pulsim) por nuk janë periodike. Ka qindra të tilla...Nëse një planet do të bllokonte dritën e një ylli do të shfaqej me pulsime simetrike të saj; drita zbehet pak, qëndron ashtu për pak dhe më pas rikthehet.

Qeveria ka vendosur të krijojë një portal të ri: transparenca.al. Drejtori i Komunikimit të Kryeministrit, Endri Fuga, sqaron në këtë video se aty do të publikohen të gjitha informacionet e nevojshme, në mënyrë që "gazetarët të informohen përpara se të shkruajnë". Portali vjen pas akuzave të fundit për CEZ dhe për ministrin e Brendshëm, të cilat qeveria nuk ishte në gjendje t'i sqaronte plotësisht. Duket se qeveria ndjen një peshë nga informimi masiv i portaleve online për cilësinë e të cilit ka rezerva të mëdha.