Lajme

Diplomacia dhe ushtria ndonjëherë janë të pandara. Kështu ka ndodhur me shefin e kabinbetit të ministririt Bushati, Pirro Vëngu të cilit i ka ardhur thirrja për ushtar nga Greqia. Gazeta “Panorama” shkruan se  prej pak ditësh në zyrën e Vëngut ka mbërritur një thirrje e Ministrisë së Mbrojtjes të Greqisë që ai të kryejë shërbimin e detyrueshëm ushtarak.

Do të quhen Kopshte Meditimi e Soditjeje përgjatë bulevardit “Dëshmorët e Kombit”  të frymëzuara nga librat e shenjtë dhe bashkëjetesa fetare dhe do të emërtohen si Parku i Besimit të Tiranës. Pikërisht për këtë projekt qeveria shqiptare ka hapur konkursin në 15 shtator të këtij viti. Njoftimi është publikuar në  faqen e Atelier Albania ku përmes një shpjegimi të gjatë shpaloset e gjithë ideja e iniciuar nga kryeministri Rama:

Konkurs ndërkombëtar për projektim peisazhistik-thirrje për ide-projektimi.

Është shembulli i dy miqve "për kokë" që janë kthyer në armiq të betuar. I bashkoi interesi për të fituar pushtet dhe para përmes politikës duke e nisur bashkëpunimin aktiv me betejën kundër Fatos Nanos në vitin 2004. Madje janë të shumtë ata që ia atribuojnë idenë e krijimit të LSI-së Dritan Priftit. Ai fitoi shumë shpejt vendin e krahut të djathtë të Ilir Metës, i cili kishte ndikuar në vitin 2001 që Prifti të merrte postin e parë të rëndësishëm, atë të drejtorit të KESH-it.

Të gjithë gjyqtarët dhe prokurorët që janë aktualisht në detyrë do t’i nënshtrohen një verifikimi të imtësishëm të pasurisë dhe  lidhjeve të mundshme me krimin dhe performancës profesionale. Kështu do të konsiderohen të ligjshme vetëm të ardhurat për të cilat janë paguar taksa dhe tatime, ndërsa gjyqtarët dhe prokurorët që nuk do mund të justifikojnë pasurinë e tyre do të shkarkohen nga detyra.

Gazeta “Mapo” shkruan se për të bërë vlerësimin dhe rivlerësimin e gjyqtarëve, prokurorëve dhe këshilltarëve të tyre ligjorë do të krijohet Komisioni i Pavarur I Kualifikimit.

Hakeri kosovar Ardit Ferizi  i arrestuar me 14 tetor ne Malajzi kishte kryer prej tre vjetësh sulme kibernetike kundër institucioneve dhe kompanive në Shtetet e Bashkuara, Izrael, Serbi, Greqi, Ukrainë dhe vende të tjerë dhe ua kishte dorëzuar ato Shtetit Islamik.

Gazeta kosovare “Zëri” kanë publikuar dokumentin e hetuesve të FBI-së prej 22 faqesh, ku paraqitet aktivitetit i Ferizit si lideri i grupit Hakerat e Kosovës.

Ferizi ka mundur të përfitojë edhe para dhe mjete me vlerë nga individë dhe kompani amerikane, të hakeruara prej tij.

Më shumë se dy javë nga alarmi i Spartak Brahos për një skenar destabilizimi të vendit nga dyshja Tom Doshi e Dritan Prifti, presidenti Bujar Nishani deklaroi se nuk është i shqetësuar për sigurinë e vendit.
"Nuk shihja ndonjë element për t’u shqetësuar. I jam adresuar Prokurorit të Përgjithshëm, kreut të SHISH dhe pres ende një përgjigje prej tyre”,-deklaroi Nishani për emisionin "5 Pyetje nga Babaramo".

Diktatori koreanoverior nuk e fsheh luksin ku jeton. Por edhe dëshirën për t'u shfaqur si një gjë e rrallë mes popullit. Ka nje qeshje të rrezikshme te Kim Jong-Un, një lloj Joffrey Baratheon(Lannister) teksa shkrihet kështu si bir i përkëdhelur i popullit, apo si shfaqja më e lartë e libidos koreane. 

Para dy ditësh deputeti i Partisë Demokratike, Luçiano Boçi, doli në një deklaratë për shtyp ku akuzonte qeverinë për korrupsion në tendera në Ministrinë e Arsimit. Siç u kuptua, halli i Boçit ishte që të përsëriste akuzën për tenderin e rikonstruksionit të godinës së OSHEE-së, me një vlerë 5.4 miliardë lekë, që i është dhënë Eurocol, kompania që sipas PD-së po ndërton vilën e Edi Ramës në Surrel. Tha Boçi ndër të tjera: “OSHEE ka vënë në shërbim të mikut të Edi Ramës, ndërtuesin e sarajeve të tij në Surrel, gati dyfishin e shumës që nevojitet për punën.

Sot është përkujtuar në rrugë qeveritare dita e lumturimit të Nënë Terezës, e cila nuk dihet se çfarë përfaqëson për shqiptarët jo katolikë. Kryeministri ka mbajtur një fjalë ku veç mburrjeve dhe lavdërimit për Nënë Terezën nuk ka thënë ndonjë gjë tjetër. Ndërkohë ministri i Çështjeve Sociale, Blendi Klosi është shfaqur shumë entuziast. Aq sa ka propozuar edhe një ligj për Vullnetarizmin. “Kur më mirë se sot, mund të bëjmë sadopak nga puna e kësaj gruaje të madhe, që e bëri të njohur vendin tonë në të gjithë botën, duke nisur së bashku punën për hartimin e ligjit të Vullnetarizmit?

Dalldia nacionaliste po gjen shfaqje deri tek festivalet e fëmijëve që organizohen në Shqipëri nga autoritete lokale të institucioneve kulturore.

Në Berat u organizua së fundmi festivali Ballkanik i fëmijëve “Luajmë dhe vallëzojmë” që pati si nismëtar Qendrën Kulturore të Fëmijëve në Durrës. Motoja e këtij festivali ishte forcimi i miqësisë mes fëmijëve të Ballkanit, por edhe nxitja e ruajtja e traditave të brezit të ri.

Në të ishin ftuar të merrnin pjesë grupe fëmijësh nga Bullgaria, Kosova, Mali i Zi, Bosnje-Hercegovina, Turqia dhe Maqedonia.