Lajme

Kryetarët e Komisioneve parlamentare të Integrimit të Shteteve pjesëmarrëse në Procesin e Stabilizim-Asocimit të Evropës Juglindore janë mbledhur në Tiranë në Konferencën e 11-të të radhës. Në fjalën e tij, kryetari i Kuvendit, Ilir Meta, tha se rajoni ynë ndodhet në një moment historik dhe në një fazë intensive të marrëdhënies kontraktuale me BE-në. “Mbarëvajtja në procesin e integrimit në Shqipëri dhe në vendet e tjera të Ballkanit Perëndimor lidhet ngushtë me shpejtësinë e reformave, e cila do të garantonte çeljen e negociatave me BE-në.

“Ndikimi që ka vendosur qeveria mbi drejtësinë, më rezervojnë që unë të hedh hapa të tjerë”. Këto janë fjalët e Presidentit Bujar Nishani, gjatë një interviste për “Gazeta Shqiptare”, i cili pranon që ka mosbesim tek drejtësia dhe prokuroria në veçanti për hetimin e survejimit të familjes së tij nga njerëz që punojnë në administratën shtetërore.

Xi Jinping, presidenti i Kinës, ka patur me siguri një përvojë shumë të veçantë gjatë vizitës në Angli. Kryeministri britanik, Cameron njofton në profilin e tij në Twitter se ka shoqëruar mikun e rëndësishëm në pubin e preferuar të tij: The Plough at Cadsden në Buckinghamshire. NJë gotë birrë, diçka për të ngrënë, për 20 minuta pubi ka pritur në mënyrë britanike dy miq shumë të rëndësishëm. Nga foto Xi duket mëse i kënaqur. Ja edhe fotot: 

Edhe sikur të marrim të mirëqenë intepretimet statistikore të qeverië për ekonominë dhe situatën në përgjthësi, gjendja sërish nuk është e mirë. Kjo sidomos për një fakto përcaktues nga i cili rrjedhin të gjitha: klima e besimit në shoqëri. Kjo klimë ka shenjën minus prej kohësh, por kur ikja kaplon si dëshirë një pjesë të madhe të rinisë, atëherë situata është vërtet keq.

NASA ka rindërtuar përmes kësaj videoje se çfarë ndodh kur një vrimë e zezë shkatërron një yll që kalon pranë saj. Video rindërton disa pjesë të vëzhgimeve të bëra në një galaktikë -PGC 043234 - që ndodhet 290 milionë vjet dritë larg.

Tender i ri nga qeveria. Dhe do të jetë për pajisjen me makina të reja për drejtuesit e qeverisë. Tenderi do të zhvillohet në mënyrë sekrete, jo përmes Agjencisë së Prokurimeve Publike, pasi kështu thuhet se ruhet sekreti, meqenëse bëhet fjalë për sigurinë e personaliteteve. “Vizion Plus” raporton se bëhet fjalë për 29 makina, tenderin e të cilave do ta zhvillojë Garda e Republikës. Interesante është se nuk është përcaktuar fondi limit, por bëhet e ditur se tipi i makinës do të jetë “Jaguar”.

Kryetari i Kontrollit të Lartë të Shtetit, Bujar Leksaj, ka kërkuar nga Kuvendi i Shqipërisë që ta dëgjojë në një seancë të posaçme plenare lidhur me raportin e auditimit për çështjen e CEZ. Ai i ka dërguar një letër kreut të Kuvendit, Ilir Meta, kryetarëve të Grupeve Parlamentare(zbardhur nga "syri.net"), përmes së cilës kërkon të bëjë vetë sqarimin e auditit të kryer si dhe sugjeron ngritjen e një komisioni të posaçëm ekspertësh nga Kuvendi, me synim vlerësimin e auditit. Kjo është një lëvizje që e vendso ministrin Gjiknuri dhe protektorin e tij të fundëm, kryeministrin para një sfide.

Seanca e sotme në parlament u dominua nga replika të ashpra mes kryeministrit Edi Rama dhe deputetëve të opozitës. Atyre u erdhën në ndihmë Shekspiri dhe Fan Noli për të etiketuar njëri tjetrin. I pari që recitoi disa vargje të Shekspirit ishte kryeministri Rama për të perifrazuar gjendjen e opozitës që sipas tij nuk e di ku është vetë dhe lëshon akuza për mazhorancën

Vjersha që recitoi Edi Rama në parlament:

O i shkretë i punëtuar

Jep e merr me këmbë e duar

Bam me këmbë e bam me duar

O i shkretë i punëtuar!

(Shekspir)

Ka disa ditë që në media qarkullon sërish çështja e Remxi Hoxhës. Ka intervista dhe deklarata të djalit të tij që kërkon prej kohësh eshtrat e të atit, ka një letër të Izet Haxhisë, botuar fillimisht në gazetën “Dita” dhe së fundmi, sot, u shfaq në media edhe Ziso Kristopulli, një nga viktimat e keqtrajtimit të të SHIK-utë vitit 1994 bashkë me Remzi Hoxhën. Ky është versioni zyrtar i ngjarjeve që është përsëritur pa pushim këto vite. Por pyetja është se përse hapet tani çështja e Remzi Hoxhës?

Irani dhe Rusia kanë rënë dakord të krijojnë një bankë të përbashkët që synon të lehtësojë transaksionet financiare mes  të dyja vendeve. Lajmi është bërë publik nga Banka Qendrore e Iranit sipas së cilës marrëveshja është arritur gjatë vizitës së ministrit rus të Energjisë, alexander Novak dhe kreu të BQI-së, Vaiollah Seif. Nga ana e vet ministri rus ka deklaruar gatishmërinë e Rusisë për të garantuar linja kreditimi për zhvillimin e projekteve infrastrukturore në Iran.