Lajme

Duke mos dashur t' i japë merita personale askujt prej liderve të dhjetorit për ndryshimet demokratike të viteve '90 , Eduart Selami nuk fsheh zhgënjimin për 25 vitet e tranzicionit dhe produktin demokratike të kësaj periudhe.

Presioni i lartë ndaj bizneseve nisur që nga 1 shtatori, kur qeveria nisi aksionin ndaj informalitetit rezulton të ketë frenuar aktivitetin ekonomik këtë muaj, siç e dëshmojnë pothuajse të gjitha statistikat zyrtare.
Revista Monitor shkruan se kjo tendencë konfirmohet nga të dhënat e shtatorit, të publikuara zyrtarisht deri tani, që janë zhgënjyese dhe flasin për një frenim të ndjeshëm të aktivitetit ekonomik:

"Nëse Hitleri do të kishte vdekur në vitin 1938 dhe dikush tjetër do të kishte marrë postin e tij, historia e njerëzimit do të kishte marrë një  tjetër rrjedhë”. Historiani dhe profesori i Universitetit të Londrës, Peter Lugerih sjell një tjetër biografi të Adolf Hitlerit dhe një qasje të re mbi personalitetin e diktatorit nazist. Ngjitja në pushtet, krijimi i Rajhut të Tretë, përndjekja e hebrenjve dhe rënia e Fyreit janë kollonat e biografisë prej 1925 faqesh të librit që botohet më 9 Nëntor.

Ish ministri grek i rendit ka denoncuar publikisht ekzistencën e një plani për eliminimin politik dhe fizik të tij, duke lënë të kuptohet se ky plan është hartuar nga elementë të inkriminuar, ku të janë implikuar edhe politikanë. Jani Panousis, ministër i rendi, në qeverinë e parë të Aleksis Tsipras, thotë në një intervistë për gazetën greke “Proto Thema”, se detajet e këtij plani, por edhe të dhëna të tjera, i ka përmbledhur në një tekst, të cilin e ka depozituart tek prokurori. I pyetur se përse e ka bërë këtë, Panpousis thotë: “Është një veprim për sigurinë time.

Kryeministri Rama inspektoi në Korçë, terrenet sportive të sapopërfunduara të shkollës “Raqi Qirinxhi”. Ky është nga 44 terrenet e reja, të ndërtuara në të gjithë vendin në funksion të shndërrimit të shkollave në qendra të ndërveprimit në komunitet. Me këtë investim kësaj shkolle i janë shtuar një fushë volejbolli dhe basketbolli, një fushe futbolli, dy fusha tenisi, si dhe dy fusha të mëdha shahu.

Një pjesëtar i një grupimi islamik, ndoshta ISIS, shfaqet duke folur para kamerës dhe ndërkohë goditet nga një raketë. Më pas, rënkime dhe asgjë. Mendohet se video po regjistrohej në Hama të Sirisë.

Disa media raportojnë për një fakt në dukje i parëndësishëm por që flet shumë. “Presidenti është parë duke kaluar me eskortën e tij në rrugën pedonale të Liqenit Artificial në kryeqytet. Në këtë rrugë nuk lejohen automjetet, por Presidenti ka bërë përjashtim. Rruga në fjalë ku ecin vetëm kalimtarët apo edhe biçikletat, ka pasur edhe makina. Fotot janë shpërndarë në rrjetet sociale këtë të diel. Gjithçka ka ndodhur me sa duket për shkak të kalimit të Presidentit nga Pallati i Brigadave tek varrezat britanike.

Partia Demokratike ka akuzuar sot ministren e Mbrojtjes dhe institucionin në tërësi për shkelje në blerjen e makinave të blinduara për Policinë Ushtarake. Ndaj këtij qëndrimi, ka reaguar zv.ministri Petro Koçi, i cili ka bërë publike edhe dokumentet përkatëse, duke shtuar një kundërakuzë për Kontrollin e Lartë të Shtetit. Sipas Koçit, lëvizjet e fundit të KLSH-së, kreut të saj, Bujar Leskaj, udhëhiqen nga një axhendë politike e këtij të fundit, që synon përfshirjen në listat e deputetëve të PD-së për zgjedhjet e ardhshme.

Tritan Shehu, ish-ministër Shëndetësie, njofton përmes profilit të tij në Facebook, se një tjetër transferim problematik do të kryhet. Sipas Shehut, qeveria po përgatit kalimin e njësisë së helikopterëve sanitarë nga Ministria e Shëndetësisë drejt Ministrisë së Mbrojtjes. “Po pregatitet ne fshehtesi vendimi per t'ja kaluar Ministrise se Mbrojtjes prej Shendetesise, Njesine e Helikoptereve Sanitare. Ky vendim po merret mbas atij te parit, thellesisht demtues, per te transferuar Qendren Universitare te Traumes e Ortopedise se bashku me spitalin perkrah, perseri Mbrojtjes.

Qeveria ndodhet mes dy zjarreve për çështjen e taksave. Pas presioneve të vazhdueshme nga misioni i Fondit Monetar Ndërkombëtar për të mos ulur barrën fiskale, biznesi kërkon ulje tërësore të taksave. Kështu Konfederata e Industrive i përcolli zyrtarisht qeverisë vlerësimet e saj për draftin e hedhur në diskutim të paketës fiskale. Ajo vlerëson, se drafti në qarkullim i paketës së taksave për vitin 2016 në përgjithësi nuk i përshtatet gjendjes së tashme të rënduar të ekonomisë shqiptare.