Lajme

Është përsëritur disa herë se reforma në drejtësi është çelës për hapjen e negociatave për anëtarësim të Shqipërisë në Bashkimin Europian. Por në kushtet e tanishme miratimi i reformës kalon nga tre drafte paralelë, që përfaqësojnë mendimin e partive kryesore parlamentare për amendimet kushtetuese. Një prej të cilëve është edhe opinioni i ekspertëve të Partisë Demokratike që është shpërndarë sot për median.

“Ne kemi sot një klasë intelektuale që në pjesën më të madhe i ka humbur kordat e zërit. Heshtin shumë: nuk kanë dinjitet ndaj nuk indinjohen. Kjo është e tmerrshme dhe e pabesueshme: mungesa e revoltës.

Shumë mendojnë: ç’më duhet mua të ekspozohem? Ndoshta, një ditë do të kem nevojë për diçka, për një nder apo ndihmë nga ai që po kritikoj sot.

Rritja e pritshme për vitin 2016, sipas organizatave ndërkombëtare nuk do të jetë 3.4% siç pretendon qeveria, por 2.3-2.5%. Këtë thotë Presidenti i Shoqatës së Investitorëve të Huaj të Shqipërisë, Silvio Pedrazzi, i cili përmes një interviste të publikuar nga “Monitor” apelon edhe realizimin e reformave, për kalimin drejt një ekonomie që edhe eksporton.

Më poshtë intervista:

Cilat janë pritshmëritë tuaja për rritjen ekonomike në 2016 në Shqipëri? Cilat janë mundësitë dhe rreziqet?

Corriere Della Sera e quan Shqipërinë si “zyrën e punësimit” të xhihadistëve që synojnë Europën. Një etiketim që vjen pas alarmit të lëshuar zinxhir nga disa media ndërkombëtare, italiane e britanike. Italia 1, Rai, Il Secolo XIX e Daily Mirror kanë publikuar këto ditë disa reportazhe që e lidhin vendin tonë me ISIS.

Pak më shumë se 100 ditë nga rimandatimi, qeveria e Aleksis Tsipras ka humbur ndjeshëm popullaritetin. Sondazhet tregojnë se 10 për qind janë të kënaqur me qeverinë, ndërsa 2 për qind besojnë se qeveria po shkon më mirë nga parashikimet. 63 përqind deklarojnë se vendi nuk po qeveriset siç ishte premtuar, ndërsa 19 për qind janë të mendimit se po qeveriset aq keq sa kishin menduar.

Në Athinë fillon të hënën një tjetër raund negociatash midis qeverisë greke dhe kreditorëve. Këta të fundit përfaqësohen nga ekipet teknike, pasi shefat e misioneve pritet të mbërrijnë ndoshta nga fundi i muajit, nëse do të jenë sheshuar vërejtjet mbi projektin e reformës së pensioneve dhe “vrimën e zezë” në financat publike greke.

Kjo u tha gjatë një një telekonference të zhvilluar në fundjavë, ku kreditorët kërkuan nga Athina më shumë detaje, sa për buxhetin e shtetit, aq edhe për reformën e pensioneve.

Konferenca e Kryetarëve të Kuvendit ka rrëzuar kërkesën e Partisë Demokratike për miratimin e  një rezolute nga parlamenti lidhur me dekorimin e bashkëpunëtorëve dhe hetuesve të regjimit nga ana e Ministrisë së Mbrojtjes.Kërkesa është bërë në vazhdën e debatit që përfshiu vendin kur presekutori i profesor Sami Repishtit dhe At Zef Pllumit u dekorua nga Ministria e Mbrojtjes

Deklaratat e gjyqtarit Artan Gjermeni se ishte plagosur aksidentalisht në garazhin e pallatit të tij, pranë Ambasadës Amerikane nuk po bindin policinë e Tiranës. Nga verifikimet e bëra në automjetin e tij tip “Smart” nuk janë konstatuar njolla gjaku apo ndonjë objekt që të provojë dëshminë e gjyqtarit se ai i pre pakujdesisht me një llamarinë.

Mbrëmjen e djeshme Gjyqtari i Shkallës së Parë në Gjykatën e Tiranës, Artan Gjermeni u paraqit në Spitalin “Nënë Tereza” për të marrë mjekim. Ai rezultoi me katër plagë thike, por ndodhet jashtë rrezikut për jetën.

Gazeta britanike “The Telegraph” shkruan në një shkrim të para dy ditëve se shërbimet sekrete amerikane kanë ndërmend nisjen e një hetimi në shkallë të gjerë, për të identifikuar përmasën dhe thellësinë e depërtimit të shërbimeve ruse në partitë politike nëpër Europë. Gazeta pretendon se disponon një raport lidhur me këtë çështje, ku thuhet ndër të tjera se drejtori i Shërbimit Sekret Kombëtar, James Clapper, është udhëzuar nga Kongresi që të nisë verifikimin.

Një lloj i ri dinosauri, fosilet e të cilit u zbuluan në Argjentinë në vitin 2014, rezulton të jetë më i madhi që ka jetuar ndonjëherë në Tokë. 37 m i gjatë, specia e re, që bën pjesë te sauropodët dhe klasifikohet si titanozaur, peshon 70 ton. Kjo specie ishte barngrënëse.Video është nga muzeu i Historisë së Natyrës në New York.