Lajme

Një tjetër zonë e Tiranës, aktualisht hapësirë sportive, do të shndërrohet në sipërfaqe ndërtimi. Kështu pretendon Partia Demokratike, e cila përmes këshilltarëve të saj në Bashki, ka paralajmëruar, se kryetari i Bashkisë së Tiranës, Erjon Veliaj, ka ndërmend që të japë leje ndërtimi për pallate në aneksin sportiv të stadiumit “Qemal Stafa”.

Hetimi për skandalin e shtatzënisë dhe më pas abortimit të tri pacienteve të sëmura mendore të Qendrës së Zhvillimit në Shkodër, pritet të zgjerohet dhe të vendosë përpara përgjegjësisë ligjore edhe drejtueset e mëparshme të saj.

Dy ditë më parë, Gjykata e Shkodrës liroi nga paraburgimi drejtoreshën e Qendrës, Juliana Cepi dhe infermieren Aida Ymeraj. Ato u akuzuan nga Prokuroria e Shkodrës për “shpërdorim detyre”, në lidhje me rastin e pacienteve që dyshohet se kanë abortuar në mënyrë të kundërligjshme.

Ministri i Jashtëm grek, Nikos Kotzias kërkoi nga Tirana që çamët që bashkëpunuan me nazizmin të mos identifikohen me të gjithë shqiptarët dhe se faktet hitorike janë të njohura. Në konferencën për shtyp me homologun shqiptar, ministri grek foli për herë të parë për implikimin e çamëve në  Luftën e Dytë Botërore.

Moska akuzon SHBA-të se kanë refuzuar t’u përgjigjen sugjerimeve të Rusisë për të diskutuar mbi programin e mbrojtjes raketore të promovuar nga Uashingtoni. Deklaratat janë bërë nga zëvendës ministri rus i Mbrojtjes Anatoly Antonov, i cili e përshkroi nismën SHBA si "shumë e rrezikshme".

Presidenti rus, Vladimir Putin paralajmëroi Rumaninë dhe Poloninë muajin e kaluar se do të jenë brenda rrezes së raketave ruse, sepse në territorin e tyre kanë zhvilluar sistemet amerikanë të mbrojtjes antiraketë, të cilën Moska e sheh si një kërcënim direkt ndaj sigurisë kombëtare të Rusisë .

Elvis Roshi është akuzuar për përdhunim në grup. Ai dha dorëheqjen nga detyra e kryetarit të Bshkisë së Kavajës, por pastaj e anulloi atë për të pretenduar se duhet të flasë drejtësia. Kryeministri heshti. Heshti për të hapur rrugën e rikthimit të Roshit. Roshi është nga njerëzit e përmendur që në zgjedhjet lokale edhe nga ambasadori amerikan si person që nuk duhet të kandidojë. Si person i papërshtatshëm. Por kryeministri është një fanatik i dëshmisë së penalitetit. A beson ende njeri, përveç tij se Roshi është vetëm një njeri që ka përballur dallgët e jetës?!

Albanologu Robert Elsie sjell sërish një album fotosh nga Shqipëria e viteve 1940-41-42. Autori i tyre është Vilibald Koleger (1910-1943), lindur në Grac të Austrisë, “një publicist austriak i kohës naziste”. Fotografitë janë marrë nga libri i tij “Rilindja e Shqipërisë”, Vjenë 1942, një vepër që Elsie e cilëson “propagandistike" dhe "në mbështetje të sundimit fashist italian në Shqipëri”.

Ministria e Jashtme greke ka reaguar ashpër ndaj deklaratave të kryeministrit Rama një ditë më parë për çështjen çame, duke konfirmuar tensionin e madh që egziston mes dy vendeve.

Në Zvicër pritet të votohet për atë që nga disa është quajtur “Ëndrra marksiste”. Një propozim, sipas të cilit çdo qytetari të Zvicrës, bashkë me të huajt që janë rezidentë në këtë vend prej të paktën pesë vitesh, duhet t’u jepet për çdo muaj një e ardhur minimale që konsiston në 2500 franga zvicerane. Propozuesit sugjerojnë që kjo e ardhur do të ndihmonte në luftën kundër varfërisë dhe pavarazisë në një botë ku punët e mira gjenden me vështirësi.

Prokuroria e Përgjithshme i ka dërguar prokurorive në rrethe një qarkore, sa i përket fenomenit të kultivimit të bimëve narkotike që sipas saj është shtrirë në të gjithë vendin dhe se kohëve të fundit kultivuesit po e mbjellin atë edhe në ambiente të mbyllura si tunele, magazina dhe ndërtesa të vjetra. Në këtë qarkore thuhet se për kultivimin e tyre në këto ambiente po përdoret energjia elektrike ndërkohë që fenomeni është i përhapur edhe në toka pa pronarë, kryesisht në zona të thella.

Prokuroria e Përgjithshme e ka gjetur të pabazuar në ligj shqetësimin e një grupi deutetësh të Partisë Socialiste që kallëzuan ish-kryeministrin Berisha për thirrjet për armatosje ose marrje pa të drejtë e komandës, thirrjet publike për veprime të dhunshme dhe përhapje e informatave të rreme që ngjallin panik.