Lajme

Prokuroria njoftoi sot për një takim të kryeprokurorit Adriatik Llalla me ambasadorin italian në Tiranë, Alberto Cutillo. Arsyeja që diplomati italian ishte në zyrën e Llallës lidhet me hetimin që po kryen Prokuroria për pajisjen e Interforcës italiane që dyshohet se është përdorur për qëllime përgjimi nga policia shqiptare.

18 persona janë paraqitur në shërbimin e sëmundjeve infektive ne Qendrën Spitalore Universitare përgjatë tre ditëve me simptoma të helmimit pasi kanë konsumuar ushqim në një prej restoranteve më të frekuentuar në zonën e ish bllokut, bar restorant artigianon. Kjo situatë ka vënë në alarm sistemin shëndetësor, i cili ka konstatuar mungesën e kushteve higjeno-sanitare që ka cuar në helmimin e klientëve.  Kreu i Isnpektoriatit Shëndetësor të Tiranës, Gjergji Koja i tha televizionit Klan se  mostrat e analizuara rezultuan me salmonelë.

Mbi aparatin përgjues të gjetur në zyrën e ministrit të Brendshëm, Sajmir Tahiri(pjesë të tij), janë gjetur gjurmë gishtash të cilat ende nuk janë identifikuar se kujt i përkasin. “Burime nga grupi hetimor thanë për Televizionin Klan se, pajisja e gjetur është një përçues analog i përgjimeve ambientale. Pjesa tjetër e pajisjes, ajo që kryen regjistrimin, nuk është gjendur ende dhe hetuesit thonë se do të jetë mjaft e vështirë që të identifikohet vendndodhja e saj.

Sot u mbaj në Prishtinë mbledhja e përbashkët e dy qeverive si nga bilanci ashtu dhe nga perspektiva produkti është retorikë dhe show patriotik. Kryeministri Rama, qeveria e të cilit është në hijen e skandaleve dhe pasojave të ligjit të dekriminalizimit tha se “Është momenti për të shkruar më tujte sepse kemi bërë shumë, por ka shumë më shumë për të bërë. Rezultate e punës së deritanishme janë shumë inkurajuese – mjafton të nënvizojmë se vitin e shkuar shkëmbimet tregtare preken kuotën 200 milionë eurove”.

Autoritetet greke kanë sekuestruar në portin e Pireut 26 milionë pilula narkotike, që destinoheshin për xhidistët e ISIS. Siç njoftohet, operacioni u krye në bashkëpunim me zyrën e DEA-s amerikane në Athinë. Pilulat narkotike me emrin Tramadol, u gjetën në një konteiner që kishte mbërritur në portin e Pireut nga India dhe kishte si destinacion përfundimtar Libinë. Firma që do t’i merrte në dorëzim në Libi, është verifikuar se ka lidhje me shtetin islamik, thonë njoftimet. Një ngarkesë e ngjashme, për llogari të së njëjtës firmë, ishte sekuestruar shkurtin e kaluar në Dubai.

Zyrtarisht në Ballkan po përvijohen dy linja të politikës së jashtme me vende që janë pro dhe kundër planit strategjik të Gjermanisë në Ballkan ose të ashtuquajturit Procesit të Berlinit. Një ditë më parë në Sofie u takuan 4 ministra të vendeve të Ballkanit që janë pjesë e Bashkimit Evropian me synimin për të krijuar një grup shtetesh që do të kordinojnë qëndrimet e tyre sipas një interesi të përbashkët në raport me Brukselin. Nisma udhëhiqet nga Greqia dhe ka gjetur solidaritetin e Bullgarisë, Rumanisë, dhe Kroacisë.

Departamentit i Shtetit thotë se kërcënimi i ekstremizmit të dhunshëm islamik në Kosovë është rritur gradualisht që nga konflikti i vitit 1999, i nxitur pjesërisht nëpërmjet financimit nga organizatat e huaja që predikojnë ideologji ekstremiste. Rreth 250 nga 300 luftëtarë të huaj terroristë nga Kosova, thuhet në raportin e Departamentit të Shtetit kanë udhëtuar në Siri dhe Irak për të luftuar për ISIS-in ose Frontin el-Nusra, nga të cilët rreth 50 janë vrarë.

-Vendim për mënyrën e reagimit dhe të menaxhimit të pasojave të publikimit eventual të videove për ministra të qeverisë sonë:

E mbledhur në Fabrikën e Ideve, në lidhje video me ish-deputetin Koço Kokëdhima nga shtëpia e vet, celula drejtuese PS-së, përpunoi këtë qëndrim për përballimin e skandalit të pritshëm:

Artur Zheji, opinionist, ka deklaruar në studion e “Opinion” se qarkullojnë aktualisht dy video me material erotik për dy ministra. “Njëra është në një ministri këtu në Tiranë, kurse tjetra është jashtë. Mentor Kikia i Top-Channel ka sjellë disa frame për 360gradë. Flitet se një nga personat e përfshirë ka hedhur 2 milionë dollarë për ta bllokuar videon e tij”, tha Zheji.

Sot në Parlament Ben Blushi zhvilloi një polemikë me disa përfaqësues të Partisë Socialiste mbi atë se çfarë do të thotë të jesh socialist. Fjala është për socialistin si model i përpunuar i njeriut të angazhuar zyrtarisht majtas në Shqipëri dhe jo për socialistin si zbatues dhe asimilues i një doktrine. Kjo polemikë, e provokuar nga ministri i Brendshëm, Sajmir Tahiri, ngrihet mbi hipotezën se cilësimi socialist në Shqipëri është pozitiv, nisur nga ajo që socialistët kanë krijuar në politikën shqiptare.