Lajme

Nuk është vetëm Elon Musk që synon Marsin. Edhe Lockheed Martin ka ndërmend të dërgojë njerëz në planetin e kuq në vitin 2028. Projekti parashikon dy faza: në vitin 2028 do të jetë nisja dhe do të realizohet stabilizimi i një stacioni shkencor orbital në Mars. Në vitin 2030 parashikohet zbritja e njerëzve në Mars

Kontestimi  dhe opozitarizmi që Ben Blushi dhe Mimoza Hafizi i kanë bërë qeverisjes së Edi Ramës, duket se do të finalizohet me krijimin e një partie të re politike. Projekti është në fazën e konsultimit me qytetarët siç tha për Ora News, deputetja e Shkodrës Mimoza Hafizi.

Ministri i Jashtëm austriak, Sebastian Kurz, i ka dhënë intervistë revistës gjermane “Der Spiegel” e përqendruar kryesisht mbi zhvillimet në Europë. Një nga këto është edhe frenimi i valës migratore nga Lindja e Mesme drejt Europës, që sipas Kurz, erdhi edhe si pasojë e bllokimit të asaj që njihet si Rruga Ballkanike. Kurz thotë se një meritë të madhe për këtë ka Maqedonia, një vend që bëri shumë, por nuk përfitoi nga vendimet e saj.

Një ditë pasi emisioni investigativ “STOP” në  Televizionin Klan u publikoi pamjet shokuese  të trajtimit çnjerëzor të personave me aftësi të kufizuara në qendrën e zhvillimit social të Shkodërs ka reaguar prokruroria. Me urdhër të organit të akuzës  janë arrestuar drejtoresha e kësaj qendre Juliana Cepi, si edhe  infermierja Aida Ymeraj. Prokuroria e Shkodrës thotë se ka hetuar për më shumë se dy javë në këtë qendër ku ka zbuluar se ndaj pacientëve me sëmundje të shëndetit mendor është ushtruar dhunë sistematike.

Zëvendësministri i Brendshëm, Ilir Marko, ka qenë i dënuar me 4 vjet burg, një vendim që më pas është prishur për shkak se prokurori i çështjes e tërhoqi akuzën kur ajo ishte shqyrtuar në të gjitha shkallët e gjyqësorit. Dënimi i është dhënë më 16.02.2006 nga Gjykata e Faktit në Tiranë, për trafikim të mjeteve motorike të vjedhura. Ai është lënë në fuqi edhe nga Gjykata e Apelit më 20.09.2006.

Pesë vjet luftë, 4.8 milionë njerëz të zhvendosur nga Homs, Halepi, periferitë e Damaskut etj.. Kjo është vetëm një aspekt i luftës siriane që duket se nuk ka fund. Një set fotografish që japin një fragment nga ajo që ka ndodhu e po ndodh në Siri:

http://www.theatlantic.com/photo/2016/05/in-syria-more-than-five-years-o...

Ushtria dhe Ministria e Mbrojtjes deklaruan zyrtarisht se helikopteri EC145 që u rrëzua më 6 prill 2016 ishte në fluturim stërvitor sipas planit të parashikuar. Por Prokuroria që po ndjek hetimet për këtë çështje nuk e beson këtë version, deri sa ai të konfirmohet nga dida burime. Për këtë qëllim është kërkuar dëshmia e drejtorit të trafikut ajror, Arben Sula. “Burimet thanë se megjithëse prokuroret e posedojnë planin e fluturimit të deklaruar nga forcat ajrore si një mision trajnues, për shkaqe hetimore duhet të pyetet edhe përfaqësuesi i Autoritetit të Aviacionit Civil.

Partia Demokratike ka reaguar sot ndaj qëndrimit që mbajti kryeministi Rama për Elvis Roshin, duke dalë me një deklaratë ku thuhet se kreu i qeverisë nuk mund t'i ikë përgjegjësisë për futjen në politikë të njerëzve të inkriminuar. "Ashtu siç mbronte dje Arben Ndoken e Mark Frrokun qe detyronin femrat te prostituonin ashtu dhe sot Edi Rama ka dale ne mbrojtje te nje perdhunuesi si Elvis Roshi. Kjo eshte e turpshme. Edi Rama duke tu kerkoje ndjese shqiptareve qe I poshtroi me kete qeverisje kriminelesh.

Më shumë se 65% e anëtarëve të Dhomës Amerikane e kanë perceptuar klimën e biznesit në Shqipëri si të pafavorshme, ose shumë të pafavorshme, 5.2% e kanë konsideruar klimën si pozitive dhe 29.1% si neutral. Indeksi mat elementët e rëndësishëm të tilla si politikat e qeverisë, nivelin e taksave, korrupsionin, informalitetin, zbatimin e ligjit dhe gjithashtu elementë lidhur me performancën e bizneseve dhe ekonomisë shqiptare.