Lajme

Ndonëse Shqipëria ka ngritur me forcë rrezikun rus në Ballkan, përfaqësia diplomatike e Moskës në Tiranë, e ka anashkaluar këtë poitikë, duke kërkuar të evidentojë vetëm anët pozitive. Në një pritje që ambasada e Rusisë zhvilloi me rastin e Ditës së Rusisë, ambasadori Aleksandër Karpushin theksoi ndër të tjera dashamirësinë e njerëzve të thjeshtë të Shqipërisë ndaj vendit të tij, si refleks edhe i marrëdhënieve të ngrohta sovjeto-shqiptare.

Futja në kalendarin tre javor të punimeve të Kuvendit të Shqipërisë e draftit për ndryshimet në Kushtetutë në kuadër të reformës në drejtësi, ka qenë një gabim teknik. Ndonëse kalendari u miratua me konsensus dje, në faqen e Kuvendit u publikua një tjetër kalendar, ku figuronte edhe shqyrtimi i draftit në fjalë. Partia Demokratike akuzoi nënkryetaren e Parlamentit, Valentina Leskaj, e cila nuk është prononcuar për këtë problem ende. Gjithsesi, Zyra e Shtypit e Kuvendit të Shqipërisë ka përcjellë sot këtë sqarim:

Arrest shtëpie për dy punonjësit e policisë së shtetit, Artion Duka dhe Entiol Xhelilaj. Kjo masë sigurie është rikonfirmuar nga Gjykata e Tiranës për dy oficerë policie që akuzohen se kanë kryer veprime të paligjshme me pajisjen përgjuese dhe kanë patur kontakt me këtë aparaturë.
Javën që vjen pritet që të shqyrtohet në Apel masa e sigurisë për për ish-drejtorin e Policisë, Haki Çako. Politika ka reaguar duke e cilësuar kriminale vendimin e gjykatës. Mbetet për t’u parë se cili do të jetë reagimi nëse masa e sigurisë për Çakon do të konfirmohet.

PS: Korrigjuar

Më 13 Maj, kompania “SGS”, e cila ka koncesionin e kolaudimit të automjeteve dorëzoi një kërkesë për të rishikuar tarifat e kontrollit me rritje në masën 6.7 % ose rreth 200 lekë. Sipas kompanisë kjo do të pasqyronte në çmim normën e inflacionit, raporton Monitor. Ministria e Transportit pas kësaj kërkese ngriti menjëherë një grup pune i cili shqyrtoi kërkesën e “SGS”. Grupi i punës e vlerësoi si të parakohshme këtë kërkesë, pasi kontrata parashikon që disktuimi të bëhet në shtator.

Mediat greke kanë treguar shumë interes pë vizitën e miistrit të Jashtëm, Nikos Kotzias në Tiranë. Në një intervistë të fundit ai analizon raportet me Shqipërinë dhe ndikimin e Turqisë në këto raporte. Kotzias thotë se Shqipëria është futur në peridhë zgjedhore dhe në këtë kuptim marrin rëndësi edhe qëndrimet nacionaliste pë nevoja të brendshme.

Gazetari: Në Shqipëri patët një pritje "të ngrohtë". A bëni një lidhje mes atyre që ndodhin në Turqi dhe atyre që u thanë në Shqipëri.

Top-Channel ka organizuar një diskutim të hapur me një auditor shoqërues mes ministrit të Jashtëm shqiptar, Ditmir Bushati dhe atij grek, Nikos Kotzias. Të dy ministrat kanë folur për problemet që përshkrojnë marrëdhëniet mes dy vendeve, duke u përqendruar sidomos te ligji i luftës dhe ai që njihet nga pala shqiptare, si problemi çam. Të dy ministrat kanë mbajtur ato qëndrime që mbajtën edhe në konferencën për shtyp dhe nuk kanë shtuar gjë.

Deputeti Ben Blushi, pjesë e Partisë Socialiste ka deklaruar sot në emisionin “Të paftuarit” në “Ora-News”, se shteti shqiptar është në prag të katastrofës. “Bilanci i sotëm, pas tre vitesh, është katastrofal. Shteti për mua është në prag kolapsi, unë nuk besoj se kemi parë këtë kaos, përveçse në vitin ’97, apo në prag të atij viti. Shteti nuk funksionon. Shikoni se çfarë ndodh. Shqipëria sekuestron zyrën e Drejtorit të Përgjithshëm të Policisë, 10 për qind e bashkive kanë rënë, se njerëzit që i drejtojnë kanë probleme me ligjin.

Paraditen e sotme u bë publike se Konferenca e Kryetarëve nuk kishte përfshirë në kalendarin tre javor të punimeve të Kuvendit, reformën në Drejtësi. Befas pasdite, pas drejtimit që i bëri seancës Valentina Leskaj, drafti është futur në kalendar. Por PD-ja pretendon se kjo është bërë fshehtas dhe pa dijeninë e saj.

Një ditë pasi ambasada amerikane në Tiranë doli me një qëndrim kritik ndaj Partisë Demokratike lidhur me dështimin e takimit Rama-Basha për reformën në drejtësi, Zëri i Amerikës, është përpjekur të sqarojë pozicionin e saj.

Ka ditë që flitet e përflitet për disa deputetë të Partisë Demokratike që mund ta “dredhin” e të votojnë për draftin e mazhorancës për reformën në drejtësi. Në kuadër të këtij pazari miliona eurosh që ka nisur e vazhdon ndërkohë, Partia Demokratike doli me qëndrimin, se nëse një nga deputetët e saj bën këtë gjë, ajo do të djegë mandatet. Çfarë legjitimiteti ka një reformë që miratohet me deputetë të trafikuar e të blerë, të cilët mandej do shiten si si deputetë me ndërgjegje shtetformuese?