Lajme

Xhinset e ngushta, disa modele flokësh dhe filmat e huaj janë zyrtarisht të ndaluara në Korenë e Veriut. Me anë të një ligji të ri, vendi komunist ka vendosur të neutralizojë kërcënimet që paraqet  "mendimi reaksionar".

Një grup rival i grupit të njohur islamik Nigerian, Boko Haram, ka njoftuar agjencinë “Reuters” se lideri i këtij të fundit, Sbubakar Shekau, ka vdekur. Lajmi është përcjellë me një mesazh audio nga rivalët e Boko Haram, grupi Shteti Islamik i Provincës së Afrikës Perëndinomore sipas të cilit Shekau ndërroi jetë më 18 maj pasi hodhi veten në erë i rrethuar nga forcat rivale.

Në regjistrimin audio raportohet se është transmetuar zëri i liderit të grupit, Abu Musab al-Barnawi që ka deklaruar se “Zoti e gjykoi Shekaun duke e çuar në Parajsë”.

Turqia ka vendosur të ndërhyjë në Izrael duke vepruar me mekanizmin e bashkëpunimit në fushën e sigurisë me Autoritetin Palestinez. Gazeta turke, e afërt em qeverinë, Yeni Safak, raporton se Ankaraja ka ratifikuar marrëveshjen e sigurisë me AP, të firmosur në vitin 2018. Në kuadër të kësaj marrëveshjeje, forcat palestineze të sigurisë do të trajnohe në Akademinë Turke të Xhandarmarisë dhe Rojes Bregdetare, ndërkohë që do të vihen në zbatim projekte afatshkurtër dhe afatgjatë të cilat synojnë rritjen e aftësive të forcave palestineze.

Amerika është duke ecur në rrugën e gabimeve strategjike të Bashkimit Sovjetik, gabime që kanë si emërues të përbashkët: vetëbesimin dhe iluzionin se forca e një perandorie nuk shteron kurrë. Gjatë një konference për shtyp ku foli për sanksionet e SHBA ndaj Moskës, presidenti i Rusisë, Vladimir Putin bëri disa vërejtje që në fakt provojnë se rivalët e SHBA po mbajnë shënim shtegun e minuar ku po ecën Amerika dhe pas saj edhe Perëndimi.

Gjykata Europiane ka vlerësuar së fundmi me një vendim të vetin se Gjermania, vendi kryesor i Bashkimit Europian, ka shkelur normat e ndotjes së ajrit për 6 vjet. Sipas gjykatës, nga viti 2010 deri në vitin 2016, Gjermania ka shkelur kufijtë e emetimit të dioksidit të nitrogjenit në 26 zona mes të cilave në Berlin, Shtutgart, Mynih, Këln, Dyseldorf dhe Rhine-Maine.

Nuk ka thuajse asnjë tekst të arkeologjisë shqiptare që të mos përmendë varret monumentale të Selcës. Varret në fjalë janë një lloj xhevahiri i qytetërimit ilir në territorin e Shqipërisë, sepse përfaqësojnë dëshmi arkitektonike dhe kështu janë bazë e mirë për të folur për organizimet shtetërore të fiseve enkeleje.

Varret gjenden në zonën e Mokrës, në fshatin Selcë, në një kodër piktoreske që dominon fushëpamjen nga të gjitha drejtimet dhe që sheh deri në Llëngë.

1.1 miliardë euro për rindërtimin dhe zhvillimin e Namibisë së sotme, kështu premtoi para pak kohësh Ministri i Jashtëm i Gjermanisë, Heiko Maas. Ai e quajti këtë dhuratë një "gjest i njohjes" së krimeve koloniale kundër grupeve etnike Herero dhe Nama. Presidenti gjerman, Frank-Walter Steinmeier, tha se do të kërkojë falje zyrtarisht në një ceremoni në parlamentin namibian.

Reaktori i parë me natrium do të ndërtohet në Uajomnig, në vendin ku më parë gjendej një fabrikë qymyri. Projekti do të zbatohet nga kompania e avancuar e reaktorëve bërthamorë në pronësi të miliarderit Bill Gates, TerraPower LLC dhe PacifiCorp, në pronësi të Berkshire Hathaway të Warren Buffet.

Kundërshtarët politikë të kryeministrit izraelit, Beniamin Netanyahu, kanë arritur një marrëveshje për krijimin e një qeverie të re të qendrës së majtë, duke i dhënë fund një drejtimi 12 vjeçar të ekzekutivit nga Bibi. Yair Lapid, politikani i qendrës, i cili vjen nga një familje hebreje nga Novi Sadi, ka njoftuar të mërkurën në mbrëmje, kur ishte edhe afati i fundit, arritjen e marrëveshjes politike, por ka shprehur frikën se Netanyahu mund të zvarrisë dorëzimin e pushtetit.

Organizata Botërore e Shëndetësisë ka përjashtuar mundësinë që varianti i CoVid-19 që po qarkullon në Vietnam, të jetë një hibrid mes variantit indian dhe atij britanik.

Nuk ka një hibrid të ri në Vietnam në këtë moment, bazuar në përkufizimet e OBSh-së

është shprehur përfaqësuesi i OBSH-së në Vietnam, Kidong Park.