Lajme

Pak ditë më parë kryebashkiaku Veliaj bëri bilancin e një viti punë në bashkinë e Tiranës ku lançoi edhe projektin për diferencimin e mbetjeve urbane vetëm në dy pika, duke u hequr “ekskluzivitetin “ personave që mblidhin kanaçe në koshat e mbeturinave. Por përtej kësaj pune të “vyer” në Tiranë qytetarët përballen me vështirësitë e transportit urban, tani që temperaturat kanë nisur të ngrihen. Tv Klan ka sjellë sot një reportazh nga udhëtimi në autobusët urbanë të kryeqytetit ku në disa mungojnë kondicionerët dhe në disa shoferët nuk i vënë në punë.

Me një tender 1 milion euro OSHEE ka pajtuar një konsulent që do ta këshillojë për ndarjen e kompanisë. Drejtues të OSHEE deklaruan ekskluzivisht për TemA TV se ndarja do të bëhet në bazë të funksioneve në dy kompani bija, njëra që u shërben klientëve dhe tjetra që blen energjinë elektrike nga prodhuesit.

Sot  këshilltarët e PD-së në Bashkinë e Tiranës kanë deklaruar se kanë fituar gjyqin në Gjykatën Administrative për kërkesën për informacion që kanë bërë ndaj Bashkisë së drejtuar nga Erjon Veliaj. Mirëpo pak më vonë doli në qarkullim një lajm se kjo nuk ishte e vërtetë, se gjykata ka rrëzuar kërkesën e këshilltarëve të PD-së. Ngjan disi e çuditshme sesi gjykata mund të rrëzojë një kërkesë për informacion!!!

Dega e OMONOIA-s dhe e PBDNJ-së Himarë kanë ngritur shqetësimin se plani për  Rikualifikimin Urban të qendrës së Himarës ka për qëllim dëmtimin dhe çrrënjosjen e komunitetit helen të Himarës dhe ndryshimin demografik të kësaj zone. Në deklaratën e shpërndarë për mediat thuhet se ky shqetësim i është përcjellë qysh vitin e kaluar kryeministrit  Rama, por ai e ka shpërfillur.

Drejtoria e Policisë së Shtetit ka lidhur tri kontrata për blerje armatimi për policinë, duke ndjekur procedurën “Me negocim, pa shpallje paraprake të njoftimit të kontratës”. Informacioni bëhet publik në buletinin e muajit maj të Agjencisë së Prokurimit Publik ku rezulton se blerjet janë kërkuar të ndara konkretisht në:

Blerje pistoletash 9x19 mm në vlerë 23 527 560 lekë me TVSH.

Blerje pushkësh 5.56x45 mm në vlerën 29 394 000 lekë me TVSH

Blerje snajpersash model “Sako M10” për një vlerë prej 15 820 099 lekësh me TVSH.

Mënyra sesi Partia Socialiste kërkon të miratojë reformën në drejtësi po gjen kundërshtarëedhe vetë brenda saj. Ish- deputeti dhe aktualisht Sekretari për Reformën Strukturore dhe Emigracionin në Partinë Socialiste, Koço Kokëdhima thotë se “Reforma në drejtësi, Partia Socialiste nuk mund ta miratojë në parlament jashtë konsensusit me opozitën, apo duke menduar për të rekrutuar deputetë të saj”.

Më poshtë qëndrimi i plotë i Kokëdhimës:

Kryetari i Bashkisë së Tiranës Erjon Veliaj detyrihet nga Gjykata Administrative që të japë informacion për këshilltarët e kësaj bashkie që i përkasin Partisë Demokratike. Situata absurde u bë e njohur para disa javësh kur këshilltarët denoncuan mosdhënien e informacionit duke paralajmëruar padinë civile. “Ashtu sikundër ju kemi bërë me dije, prej më shumë se 2 muajsh kemi qenë të detyruar, si rezultat i teatrit absurd të z.Veliaj, për të fshehur çdo informacion, t’i drejtohemi Gjykatës Administrative.

Kontrolli i Lartë i Shtetit njoftoi se nga auditimi i administrimit të barnave në QSUT, konstatoi se ka një listë shumë të madhe barnash të skaduara në depot farmaceutike. Për vitin 2014 rezultojnë të jenë skaduar 146.863 medikamente në vlerë 38,203,099 lekë, me arsyen se të gjitha këto barna janë blerë në sasi të konsiderueshme dhe që nuk kanë arritur të përdoren, pavarësisht se afati i përdorim ka qenë relativisht nga 1-2 vjet.

Përmes një letre të hapur Forumi Myslimian i Shqipërisë kundërshton ndryshimin e nenit 18, pika 2 të Kushtetutës për orientimin seksual me argumentin se ky ndryshim do të shkatërrojë përfundimisht themelet e familjes. Kundër këtij neni janë shprehur edhe komunitetet fetare, si Kisha Katolike, Kisha Ortodokse dhe Komuniteti Mysliman. Ky Forum i përcjell parlamentit kërkesën për t'u dëgjuar në seancë të posaçme për një amendim që sipas tyre dëmton kombin.

Kryeministri grek, Aleksis Tsipras ka prezantuar një plan ambicioz për ristartimin e ekonomisë vendase, pas shtatë vjetër recesion. Prezantimi u bë të enjten në mbrëmje, pak orë pasi kreditorët kishin miratuar disbursimin e një pjese të këstit të kredisë për Greqinë.
Me këtë rast, Tsipras deklaroi se këto ditë po mbyllet cikli më i vështirë i programit të shpëtimit dhe se vendi po hyn në fazën e zhvillimit ekonomik.