Lajme

Një reagim i Partisë Demokratike për vdekjen e 35 vjeçares Aida Cajka dhe foshnjës së saj në maternitetin Koço Glozheni nxiti kundërpërgjigjen e Ministrisë së Shëndetësisë që tha se ka dorëzuar të gjithë dokumentacionin për nevojë të hetimeve.

Vera ishte e mbushur me teatër politik dhe karagjozë që negociuan për veten në emër të atdheut. Edhe vjeshta duket me supriza. Nuk po na i kursen LSI-ja, pjesë e Aleancës për Shqipërinë Europiane.

Partia e Ilir Metës është  forca politike që operon me matematikën 1+1 = 2, por kjo nuk e pengon të  prodhojë shfaqje  të tipit demokraci dhe garë, aq më tepër kur bashkë me matematikën kjo parti po promovon edhe akademikë të linguistikës, si profesor Shezai Rrokaj. Ai do të sfidojë Ilir Metën në garën për kryetar të LSI-së në 6 nëntor ku do të votojë e gjithë anëtarësia.

Bashkimi Evropian është në një pikë kritike, tha kancelarja gjermane Angela Merkel  gjatë samitit të 27 vendeve - anëtare të BE-së në Bratislavë (pa pjesëmarrjen britanike). Ky është samiti i parë ku diskutohet mbi të ardhmen e Evropës, pas Brexit. "Ne duhet të tregojmë me veprimet tona që ne të mund të bëhemi më të mirë", deklaroi  Merkel. Europa sipas saj duhet të përmirësohet në çështjet e sigurisë,  luftën kundër terrorizmit, bashkëpunimin në sektorin e mbrojtjes dhe punësimin.

Platforma e të gjithë shqiptarëve. Kështu e quan veten Digitalb, që shkon më tej me sponsorizmin e himneve të një etnonacionalizmi histerik, apo të një fryme nacionaliste turbofolk. Natyrisht nuk kemi të bëjmë me dalldisje, por me biznes. Dhe te biznesi do parë edhe dëshira e Digitalb për të “qenë platformë e të gjithë shqiptarëve”. Aq sa sugjeron si mekanizëm “naiv” e në dukje “pa kosto” që edhe shërbime informacioni të hapura si Tv Klan apo Top- Channel t’i servirë me pagesë.

Në datë 7 Shtator Komisioni i Konkurencës vendosi në mbledhjen e tij hapjen e procedurës së hetimit paraprak në tregun e sigurimit të detyrueshëm motorrik ndaj palëve të treta (MTPL e brendshme)”. Nga monitorimi i tregut inspektorët e Autoriteti të konkurencës se të gjitha kompanitë kishin vendosur çmime simetrike, ka përbën objekt hetimi, pasi dyshohet se ka marrëveshje të fshehtë mes tyre.

"TemaTv"

Qeveria ka mohuar se ka diskriminuar bashkitë e djathta në ndarjen e fondeve dhe të ashtuquajturin projekt i Rilindjes Urbane, për të cilin ka patur shumë pak transparencë. Nisur edhe nga ankesat e bashkive të djathta BE ka kërkuar miratimin e një ligji të posaçëm që fondet të ndahen në mënyrë transparente dhe të paanshme.
Kjo kërkesë i është përcjellë ministrit Bledi çuçi nga ambasadorja Romana Vllahutin.

Policia e Tiranës ka nisur të bëjë verifikimet e para për shkaqet e vdekjes së një 35 vjeçare shtatzanë në muajin e nëntë. Hetimi përfshin shkaqet e vdekjes së gruas dhe foshnjës së saj dhe rolin e mjekëve të maternitetit "Koço Glozheni" dhe të urgjencës së QSUT në kryeqytet. Janë familjarët që akuzojnë mjekët për neglizhencë dhe mungesë kushtesh. Dëshmia e kunatit të 35 vjeçares me inicialet A. Ç:

Ambicja e Ilir Metës për të qenë president i vendit ka kohë që përflitet dhe tashmë duket se ka ardhur koha që të hidhet edhe në publik si formulim i planit të koalicionit të majtë për një Shqipëri Europiane. Dikur njeriu me bllok, tani aleat i domosdoshëm, "pronari" i LSI -së duket se ka punuar mjaftueshëm që edhe PS të kuptojë se çfarë duhet të bëjë.

69-vjeçari Guido Guidi i cili u rrëzua me avionin “Pipper” në zonën e Ishmit ka pranuar mbrëmë gjatë marrjes në pyetje nga prokurorët, se kishte ardhur në Shqipëri për të kryer trafik ndërkombëtar droge. “Gazeta Shqiptare” zbardh sot deponimin në orët e vona të pilotit italian i cili ka pohuar se trafikantë shqiptarë dhe italianë me bazë në Milano e kishin porositur fluturimin e tij.

Kur qeveria po shijonte frytet e një fitore dërrmuese në Dibër dhe ministri i Brendshëm ishte në apogjeun e një fushate televizive në parcelat e kanabisit, rënia e avionet Piper inë bregdetin e Ishmit e shndërroi shfaqjen në një komedi politike me në krye kryeministrin dhe pas tij ministrin e Brendshëm. çorientimi u pa qysh në filim kur ish-ministri Flamur Noka bëri publik lajmin. Të kapur në befasi, kryeministi la sallën e kuvendit, ministri Tahiri nisi telefonatat dhe kryetari i kuvendit ndërpreu seancën e kuvendit.