Lajme

“The Washington  Post” shkruan së fundmi për një kompolot afatgjatë të Rusisë në Ballkan. Autori Jaroslaë Wisniewski sugjeron që praktika propagandistike ruse në Ballkanin Perëndimor duhet të shërbejë si një mësim për SHBA-të, ndikimi i të cilave në këtë rajon po rrëshqet. Madje edhe në SHBA, sipas gazetës që citon burime të shërbimeve sekrete amerikane, Rusia po vepron në shkallë të gjerë për të goditur  besimin e publikut ndaj zgjedhjeve të fundit presidenciale. Por cilat janë metodat propagandistike ruse për të cilat flitet kaq shumë e që vlerësohen kaq efektive?

Salento, bregu përballë Shqipërisë nga Brindizi deri në Taranto ka njohur vitet e fundit një rritje të turizmit. Jo vetëm në numrin e turistëve, por edhe në shërbime. Investimet në infrastrukturë dhe në mjedise janë shtuar ndjeshëm dhe kjo bie në sy menjëhërë, po ta krahasosh me 10 vite më parë. Në thelb turizmi salentin bazohet në pak gjëra që ngrenë peshë: deti i pastër, ushqimi shumë i mirë, tradita e maserive dhe peizazhi i dominuar nga ullinjtë. Po kështu Salento është një zonë me pasuri arkeologjike shumë të mëdha.

Gazeta “Shekulli”  publikon sot një fjalë të ministrit aktual të Rinisë dhe Mirëqenies Sociale, Blendi Klosi, mbajtur më 3 tetor 2013 në Parlament. Pra pasi socialistët kishin ardhur në pushtet e po bëheshin gati të nisnin jetësimin e Rilindjes së Shqipërisë.

Një faqe siriane në Facebook, “Syrian art treasours” ka publikuar një video ku duket se jepet ekzekutimi i spiunit izraelit Eli Cohen në Damask në maj të vitit 1965. Në videon një minutëshe shafqet Cohen në një shesh ku ka shumë njerëz. Atij i është hedhur në qafë një baner ku shkruhen krimet e tij.

Në vitin 2010 u konfirmua ekzekutimi i individit të fundit të Rhinoceros sondaicus annamiticus në Vietnam. 

http://www.bbc.com/earth/story/20160920-we-know-exactly-how-the-vietname...

Pronari i tokës ku do të ndërtohet terminali i autobusëve në kthesën e Kamzës kundërshton nisjen e punimeve dhe pretendon se pronën ia kanë njohur 6 vendime gjykate, duke përfshirë edhe atë Kushtetuese. Hajdin Qevani, në një intervistë për "TemaTv" paraqet dokumentacionin përkatës dhe shpreh shqetësimin e tij për këtë çështje. Ai ka kontaktuar menjëherë me bashkinë e Tiranës dhe thotë se ka hasur në arrogancë.

Një pallat 24-katësh pritet të ndërtohet te këndi i lojrave “7-xhuxhat” në kryeqytet duke pakësuar në këtë mënyrë hapësirat e dedikuara për fëmijët. Përveç të vegjëlve nga ky ndërtim preken dhe banorët e pallateve aty pranë të cilët thonë për "Tema Tv" se nuk do të lejojnë punimet. Ata shprehen se ankesën e tyre e kanë paraqitur në Bashki dhe Kryeministri por nuk kanë marrë asnjë përgjigje.

Gjuhëtari Bahri Beci ka qenë i ftuar sërish në studion ""Zululand" në "TemaTv" ku ai ka folur mbi standardin e shqipes, por edhe mbi raportin që gegërishtja e toskërishtja kanë patur e kanë me të.

Beci tha se do të kishte qenë më e natyrshme nëse regjimi komunist nuk do t’i kishte prerë rrugën në vitin 1972 shqipes zyrtare që kishte vite që përdorej e që kishte për bazë gëgërishten. Por Beci ka hedhur poshtë mendimin se me Kongresin e 1972-it gegërishtes i është bërë penalizim.

Gazetarja Eni Vasili ka realizuar dje në "News24" një emision për hashashin. Me një rrënjë bime në dorë ajo është shfaqur në studio, çka ka sjellë policinë në mjediset e televizionit për të ndjekur procedurat e zakonshme.

20160920-232658 by PanoramaVideo

Αlzheimer është një nga sëmundjet me rritjen më të madhe vitet e fundit dhe një kërcënim real për njerëzimin.  Në ditën Botërore të kësaj sëmundje raportohet se  pacientët prekur me Αlzheimer në rang global të jenë 44 milionë  dhe pritet të arrijnë në 65.7 milion në vitin 2030 dhe 115.4 milionë deri në vitin 2050. Vetëm Europa numëron 10 milionë të prekur nga kjo sindromë. Ajo që vihet re është përhapja e kësaj sëmundje në moshat e treta.