Lajme

Edhe pse kancelarja gjermane kohët e fundit ka pranuar se  ka bërë gabime me çështjen e emigrantëve shumica e gjermanëve beson se Angela Merkel nuk do të rifitojë besimin e tyre. Sipas një sondazhi të revistës Focus. Dhe nuk janë vetëm votuesit e partive ekstreme të krahut të djathtë si Alternativa e Popullit për Gjermaninë (AFD) që e besojnë këtë, por edhe mbështetësit e saj.

Mes Athinës dhe Tiranës ka një klimë mosbesimi dhe po ashtu një re paqartësie lidhur me diskutimet e fundit për të cilat të dyja palët thonë se janë në rrugën e duhur. Megjithë optimizmin e ministrit Bushati për një axhendë dialogu që do të çojë në sheshin e problemeve të së shkuarës dhe së tashmes, aksioni politik i mazhorancës dhe jo vetëm projektojnë një klimë konfliktualiteti me Greqinë.

Studimet e ADN-së hedhin dritë mbi një fakt që i jep siguri shkencore gjenealogjisë së homo spaiensit. Duke pranuar se paraardhësit tanë të parë kanë origjinuar nga Afrika dhe se para tyre Neandertali dhe njeriu Denisovian kishin nisur eksplorimin e botës, të parët homo spaines që e bënë këtë janë ata që sot i quajmë si Aborigjenët e Australisë. Të cilët kanë besuar gjithnjë se janë shoqëria më e vjetër në botë që vijon ekzistencën, çka tani ua konfirmon edhe shkenca.

Nuk kishte folur për 53 shekuj me radhë, por njeriu i ngrirë njeriu Otzias ( një mumje 5 300 vjeçare e  gjetur në vitin 1991 në një akullnajë në Alpet italiane) "thyen" heshtjen.  Studiuesit krijuan një model simulimi që përmban elementet e kordave vokale dhe gojës. "Sigurisht, ne nuk e dimë çfarë gjuhe fliste para 5000 vjetësh. Por ne jemi në gjendje të riprodhojmë timbra të zërit të tij, dhe unë shpresoj të simulojmë edhe mënyrën se si ai fliste "- deklaroi për CNN koordinatori i projektit,  Francesco Avanzini.

Koço Kokëdhima, përforcon dyshimet se pas nismës së mazhorancës për të lejuar importin e plehrave qëndrojnë segmente të mafias. Gjatë një interviste në emisionin Oktapod, Kokëdhima thotë se situata, niveli i institucioneve dhe aftësia e tyre i japin akoma më shumë të drejtë shqetësimit të shoqërisë civile.

Ministri i Jashtëm i Shqipërisë, Ditmir Bushati, ka folur dje gjatë një interviste në “Zëri i Amerikës” edhe për deklaratat e ambasadores së re të Greqisë në Tiranë, Eleni Soruani.

Sikur të mos mjaftonte ajo që ndodhi me miratimin e ligjit për importin e mbetjeve, Sali Berisha, ish-kryeministër shkruan sot në komunikimin e tij në Facebook se në dy vitet e fundit në Elbasan janë sjellë mbetje radioaktve, ndërsa në Durrës mbetje toksike. E vërtetë apo thjesht një shashkë për të nxehur gjakrat? Kjo vështirë të merret vesh, por deklarime të tilla nuk janë shaka, ndaj për çdo rast ose Berisha duhet të mos merret seriozisht, ose diçka duhet të sqarojë qeveria. Për aq sa mund të besohet edhe kjo e fundit. 

Rrogat dhe shpërbimet për magjistratët do të ulen krahasuar me atë që ishte parashikuar më herët në kuadër të ngritjes së institucioneve të rejë të drejtësisë.  Komisioni i Posaçëm për Reformën në Drejtësi ka rënë dakord që pagat të shkojnë nga 330 mijë lekë në 250 mijë lekë, ardhur kjo si kërkesë e Ministrisë së Financave.

Pas disa javësh në heshtje, ambasadori amerikan, Donald Lu është rishfaqur me një qëndrim për situatën e trafikut të drogës dhe qëndrimit të Partisë Demokratike lidhur me ligjin e Vetingut. Gjatë një bashkëbisedimi me studentë të Gazetarisë, i pyetur për situatën në Shqipëri dhe debatin politik të kohëve të fundit, diplomati amerikan tha se çështja e kuktivimit të kanëbisit në Shqipëri është shqetësuese, duke folur edhe për implikim të politikës.