Lajme

Kryeministri Edi Rama ka deklaruar sot në “Opinion” se nuk do të ketë referendum për kthimin e ligjit për mbetjet. Sipas Edi Ramës referendumi nuk mund të zhvillohet për një të drejtë të kompanive për të importuar lëndë të parë riciklim, duke nënvizuar se ka dallim mes mbetjeve dhe plehrave për të cilat flet media.  Duke folur për nismëtarët e referendumit, kryeministri foli shkurt: “Ata që mbledhin firma le ta provojnë nëse do të fitojnë të drjetën e referendumit”, të cilën e vlerëson një institucion “i pavarur” si Komisioni Qendror i Zgjedhjeve.

Ish-deputeti socialist, Armando Prenga humbet licencën e shfrytëzimit të Lagunës së Patokut. Ky është vendimi i Gjykatës së Apelit Administrativ i marrë gjatë kësaj të enjte, duke lënë në fuqi vendimin e Shkallës së Parë.  Me këtë vendim të Apelit, i cili është i formës së prerë, kjo lagunë rikthehet në përdorim të shtetit deri në momentin që do të shpallet një procedurë e re dhenie me qira për peshkatarët të cilët plotësojnë kushtet.

Shpellat shërbyen si vendstrehimi gjatë revoltës së madhe të hebrejve kundë romakëve në vitet 66-70 e.s. 

Shpellat shërbyen si vendstrehimi gjatë revoltës së madhe të hebrejve kundë romakëve në vitet 66-70 e.s. 

Disa media shqiptare raportojnë se në Bizë të Martaneshit do të instalohet një bazë e NATO-s, duke iu referuar deklaratave të ministres së Mbrojtjes Mimi Kodheli pas  stërvitjes se përbashkët “Joint Effort 16” dhe shoqërimit të Sekretarit Britanik të Mbrojtjes, Michael Fallon.

Kush tha që brenda koalicionit qeverisës të sotshëm nuk ka mendim strategjik? Është e vërtetë që Kryeministri me të vetët po ecin për shumëçka spontanisht, por partneri i tij, Ilir Meta, duket se nuk ka hequr dorë nga bbloku i shënimeve dhe i planifikimeve. Kjo të vjen në mend kur sheh se sot, drejtori i Postës Shqiptare, Majlind Lazimi, një njeri i LSI-së zbulon se projekti është që Posta të kthehet në Bankë.

“Shembujt konkretë ekzistojnë stafi i postës po i shikon mundësitë e zbatimit të këtij projekti. Dhe shembulli i zgjedhur është ai Italian”, tha ai për “TemaTv”.

Fshirja e pagesave nga sistemi i OSHEE-së po shndrrohet në praktikën e fundit, ndërsa problematika të rënda shoqërojnë sistemin energjitik në vend. Nga një investigim i thjeshtë i "TemATV" dalin në skenë abuzimet në sistemin qendror energjitik dhe plaga e shoqërisë, që po lëngon nga pamundësia e pagesave.

Projektligji për anëtarësimin e detyruar të biznesit në Dhomën e Tregëtisë dhe të Industrisë pritet të kalojë në seancën e sotme për miratim. “Vizion Plus” raporton se drafti ka kaluar në Komisionin Parlamentar të Veprimtarive Prodhuese larg vëmendjes së mediave dhe pa u kosnultuar paraprakisht me aktorë të biznesit. P.sh Dhoma Amerikane e Tregëtisë e ka kundërshtuar draftin që detyron anëtarësimin në Dhomë, pa një arsye të qartë dhe që shihet si një mënyrë për të vjelur një lloj takse.

Shoqata e Rickluesve Shqiptare kërkon nga politika të mos e kthejnë nevojën për import të mbetjeve si lëndë të para në një betejë pa kuptim. Bardhyl Balteza kreu i kësaj shoqate në një intervistë për TemA TV thotë se politika po i keqpërdor këto biznese thjesht për interesa të ditës.