Lajme

Pranvera Arabe, ose ndryshe zinxhiri i revoltave që çuan në përplasje të armatosur në shumë vende të Lindjes së Mesme duke nisur që nga viti 2010, ka kushtuar 614 miliardë dollarë. Kjo shifër del në një raport të Organizatës së Kombeve të Bashkuara, Komisioni Ekonomiko – Social për Azinë Perëndimore, sipas të cilit vlerësimi përfshin një tërësi faktorësh.

Amerika votoi. Ajo votoi qartë dhe pa asnjë ekuivok: Donald Trump është presidenti. Ai është në krye të shtetit me votë demokratike dhe të lirë. Asnjë nuk e ka vënë në dyshim procesin e votës. Mirëpo prej disa ditësh në SHBA, në qytete të ndryshme vazhdojnë protestat. Të cilat shprehin disaprovimin për presidencën Trump. Televizoni rus, “RT”, i akuzuar shpesh si pararoja e propagandës së Vladimir Putinit deklaron se një nga grupet që po merr pjesë aktive në protestë është edhe ai “Move on”, i cili lidhet me financierin e njohur George Soros.

Asambleja e Konferencës Ipeshkvore të Kishës Katolike do të kërkojë që qeveria të krijojë një komision të përkohshëm, dy palësh, për t’i dhënë zgjidhje çështjes së pronave të kishës.

“Për çështjen e pronave të Kishës, pasi u dëgjua mendimi i një specialisti juridik rreth kësaj çështje, kërkohet ende nga qeveria që të krijohet e të funksionojë një Komision “Ad Hoc” dypalësh për zgjidhjen e kësaj çështje, si parashikohet në marrëveshjen midis Shtetit dhe Selisë së Shenjtë”, njofton zyra për shtyp e Konferencës.

Presidenti i sapozgjedhur amerikan Donald Trump është shprehur në një intervistë e për gazetën “The Wall Street Journal” se Shtetet e Bashkuara do të futen në luftë me Rusinë, nëse do sulmojnë presidentin e Sirisë Bashar al-Assad.

“Nëse do të sulmojmë ​​Assadin do të përfundojmë duke luftuar me Rusinë", tha Trump

Presidenti i Komisionit Evropian, Jean-Claude Juncker deklaroi një ditë më parë se Donald Trump duhet "të mësojë se çfarë është Evropa dhe si funksionon" duke shtuar se "ne do të humbasim dy vjet kohë" derisa presidenti i ardhshëm amerikan të "mësojë rreth botës" për të cilën nuk ka njohuri.

"Unë dua të kërkoj falje për ata të krishterë që kthejnë shikimin në një drejtim tjetër kur takojnë një të varfër". Këto ishin fjalët e papa Françeskut gjatë një takimi me mijëra të pastrenë në selinë e shenjtë në Vatikan.

"Ju kërkoj falje nëse ndonjëherë ju kam fyer me  fjalët e mia, por edhe për të gjithë të krishterët që lexojnë Biblën dhe nuk e kuptojnë se thelbi i saj është pikërisht varfëria,"- tha kreu i Kishës Katolike duke shtuar se mësimi kryesor i krishterimit është se gjithmonë duhet t’i shtrijmë  dorën e ndihmës dikujt që ka nevojë.

Pa praninë e kryeministrit Edi Rama, i cili ndodhet në Nju Jork për të çelur një ekspozitë personale me piktura, Këshilli i Sigurisë Kombëtare i drejtuar nga Presidenti Nishani ra dakord për një strategji të re në luftën kundër kanabisit, që do të shoqërohet edhe me mbështetje ekonomike për banorët e zonave të varfra. Këtë e pohoi zv/kryeministri Niko Peleshi pas mbledhjes për më shumë se 3 orë në Presidencë.

Ka ndërruar jetë në moshën 92 vjeçare historiani Arben Puto. I lindur në Gjirokastër në vitin 1924, Puto përfundoi Liceun e Korçës në vitet 1935-39. Ai u diplomua në Universitetin e Moskës për Drejtësi në vitin 1951 dhe mandej nis karrierën si profesor dhe historian i çështjeve të diplomacisë. Në periudhën e para viteve ’90, ishte i njohur libri i tij “Pavarësia shqiptare dhe diplomacia e Fuqive të Mëdha”, i cili trajtonte pavarësimin e Shqipërisë në kontekstin e shthurjes së Perandorisë Osmane dhe antagonizmit të fuqive imperialiste, siç quheshin askohe.

Presidenti turk Rexhep Taiip Erdogan ka paralajmëruar se tre milionë refugjatë sirianë të cilët ndodhen tashmë në Turqi, janë  gati për të kapur Europën dhe akuzoi Bashkimin  Europian se nuk po mbështet financiarisht Turqinë, teksa kjo e fundit ka shpenzuar miliarda për refugjatët.

Nuk është e panjohur që kryeministri ynë është arrogant në raport me publikun dhe të tretët që janë  hallkë ndërlidhëse mes tyre. Deri në një farë mase kjo kuptohet për shkak të karakterit të tij dhe mungesës së qetësisë për të mos ndërfutur cenet personale në detyrat institucionale.