Lajme

Sot në kangjellat rrethuese të Presidencës së Republikës së Shqipërisë janë vendosur disa materiale prezantuese me natyrë propagandistike dhe interpretim historik. Gjenealogji të supozuara, harta, kopje gravurash, soj e lloj materialesh për lashtësinë e shqipes apo për Çamërinë, pa asnjë të dhënë se çfarë është kjo lloj çorbe.

Tashmë është një lajm që nuk mund të injorohet: vaksina nuk është siguri kundër CoVid-19. Madje ajo nuk ofron më as vlerën e kufizuesit pandemik duke krijuar stres në sistemin shëndetësor. Raportimet të shumta në SHBA vënë në dukje pikërisht këtë “paradoks” që është i tillë në raport me propagandimin e bërë në muajt e fundit për vaksinat e ndryshme.

Ish-ministrja kroate për Zhvillimin Rajonal dhe Fondet e BE-së, Gabrijela Zalac është arrestuar nën akuzën e korrupsioit. Krahas saj janë ndaluar dy biznesmenë si dhe drejtori për Financat dhe Agjencinë Kontraktore SAFU, Tomislav Petriç. Operacioni raportohet se është ndërmarrë nga Prokurori Europian në Kroaci, që monitoron shpenzimin e fondeve të BE-së në vend.

MCN Tv ka përgatitur një kronikë për idenë e ministres Frida Krifca për krijimin e një akademie për çobenjtë. Flasin blegtorë të zonës së Gjirokastrës, e njohur për prodhimet blegtorale, të cilëve u duket e çuditshme që të ketë një shkollë për çobenj, pasi si i thonë një fjale, krrabën njeriu e mëson vetë si dyfekun.

Me shumë diplomaci dhe pa inat, pa ironi madje, blegtorët kanë refuzuar budallallëkun e një ministreje duke na kujtuar të gjithëve se stresi dhe aciditeti i Tiranës duhen lënë të shkojë, e të tretet nga koha pa i dhënë rëndësi më shumë nga sa duhet.

Europa po e trajton krizën e tanishme që i është krijuar në kufirin polako-bjellorus si një sulm hibrid nga Misnku zyrtar. Mediat kanë përcjellë pamje të sulmeve dhe konfrontimeve në kufirin e të dyja vendeve që është edhe kufiri mes BE-së dhe Bjellorusisë, një vend që i është nënshtruar sanksioneve të Europës. Akuzat për situatën po adresohen ndaj presidentit bjellorus, Aleksander Lukashenko, i cili po ndërton në Europën Qendrore atë që u provokua në Turqi në vitin 2015.

Gazeta më e madhe në Ukrainë në gjuhën angleze, “Kyiv Post” është mbyllur pas 26 vjetësh. Sipas raportimeve të ndryshme, shkak është bërë një konflikt mes gazetarëve dhe botuesit, miliarderit Adnan Kivan. Ky i fundit ka deklaruar se mbyllja është e përkohshme dhe se ai shpreson ta rihapë gazetën së shpejti “më të madhe dhe më të mirë”.

Sot PS-ja vazhdon të jetë partia kryesore në vend. Më mirë organizata kryesore, dominuese e Shqipërisë, e tillë me të gjitha tiparet dhe veprimtaritë. Ajo nuk është organizatë mirëfilli politike, as vullnetare, sepse aty nuk ka më ndonjë gjë vullnetare. Ajo është organizatë kriminale, e korruptuar ndër të tjera.

Por ajo mbetet organizimi më i konsoliduar. Dështakët e Shqipërisë janë mësuar të realitet një dukuri të tillë në vend se ta denonconin atë si problemin kryesor politik të vendit.

Pas 8 vjetësh gjumi të thellë dhe të vazhdueshëm, Partia Demokratike është kthyer në Lajmin e ditës. Arsyeja është e qartë: në PD është hapur një garë apo një proces për largimin e Lulzim Bashës nga Sali Berisha.

Debati që po krijohet është i thjeshtë në themel: çfarë do të ndodhë me PD-në? Kush fiton?

Mirëpo këto pyetje që legjitimohen sa herë ka një garë në të vërtetë kanë lindur nga një realitet politik që është prodhuar artificialisht nga një njeri i vetëm.

Kursi europian i Ballkanit Perëndimor mund të prapakthehet. I këtij mendimi është ministri i Jashtëm i Greqisë, Nikos Dendias, i cili gjatë një konference për shtyp me homolgun e tij slloven, Anže Logar ka vënë në dukje nevojën e një investimi maksimal nga Europa në ruajtjen e ritmit të procesit të integrimit.

Një ditë pasi Britania e Madhe miratoi Molnupiravir si pilulën e parë kundër CoVid-19, kompania Pfizer ka njoftuar se edhe ajo ka zhvilluar një pilulë që sipas saj redukton rrezikun e hospitalizimit dhe vdekjeve te pacientët me 89%.