Lajme

Një numër rekord delfinësh janë kapur dhe përdorur për ushqim në Ishujt Faroe, gjë që ka çuar në reagimin e aktivistëve të të drejtave të kafshëve. Rreth 1400 delfinë u vranë brenda ditës në fiordin më të madh në territorin e Atlantikut të Veriut të dielën. Ajo që ndodhi në ujërat e cekëta të plazhit Skalabotnur në Eysturoy u cilësua masakër nga shoqatat vendase, raporton BBC.

Kancelarja gjermane Angela Merkel ka përmbyllur një viztë në Tiranë ku është takuar me përfaqësues të Shqipërisë dhe Maqedonisë së Veriut, pasi kaloi një ditë në Beograd. Siç dihet zonja Merkel përfaqëson një histori suksesi personal, një mentalitet qeverisjeje dhe menaxhimi të hapave të sigurt dhe një konsistencë gati ideologjike te liberalizimi dhe bindja për të drejtat e njeriut. Vizita patjetër që është shumë e rëndësishme, pavarësisht se Merkel mbyll karrierën, edhe pse ajo lë një trashëgimi që prek rajonin tonë siç është Procesi i Berlinit.

Federata Europiane e Gazetarëve ka publikuar sot një deklaratë përmes së cilës dënojnë sjelljen e kryeministrit të Shqipërisë, Edi Rama që refuzoi pyetjet e gazetarëve nga Kosova gjatë konferencës me Angela Merkel.

Turp për kryeministrin shqiptar Edi Rama që me qëllim injoroi pyetjet e gazetarëve kosovarë. Federata dënon këtë segregim fyes

është shprehur në tuitter, sekretari i Përgjithshëm i organizatës, Ricardo Gutiérrez.

Moska mbetet streha më e sigurtë për presidentin sirian Bashar al-Assad pas thuajse 10 vjet lufte civile në Siri. Ai është shfaqur dje në Kremlin, në krah të patronazhistit të tij, presidentit rus, Vladidmir Putin, në një takim të parë mes tyre që nga viti 2018. Putin ka shfrytëzuar momentin për të përcjellë mesazhin e qartë ndaj SHBA dhe Turqisë se forcat e huaja pa mandatin e OKB-së në Siri, janë aktualisht problemi kryesor për këtë vend.

Komisioneri europian për Zgjerimin, Oliver Várhelyi ka bërë thirrje për një partneritet të ri mes Bashkimit Europian dhe Turqisë në dritën e zhvillimeve të reja në Afganistan. Në një intervistë për hungarezen “MagyarNemzet”, Várhelyi ka vënë në dukje se Afganistani paraqet një krizë potenciale migratore, e cila mund të parandalohet.

Kriza e tanishme na ka dëshmuar se nuk ka rrugë tjetër pos bashkëpunimit me Ankaranë

Në qendër të debatit të ndezur së fundmi në botën letrare franceze janë 6 000 faqe në dorëshkrimin e Louis-Ferdinand Céline. Ky thesar letrar, ekzistenca e të cilit ishte vënë në dyshim nga ekspertët që kanë studiuar romancierin dhe mjekun e shekullit XX, u shfaq papritur, si nga një botë tjetër, në qershor 2020 dhe vazhdon të ngrejë polemika.

Një faqe e re në historinë e energjisë bërthamore mund të hapet këtë shtator në mes të shkretëtirës së Gobit, në very të Kinës

Britania ka anuluar një marrëveshje për furnizimin me dhjetëra miliona doza vaksine anti-COVID-19, të prodhuara nga kompania franceze Valneva, raporton SkyNews. Kjo e fundit është një kompani e re në tregun farmaceutik dhe prodhon vaksina në mënyrën tradicionale. Vaksina e saj, VLA2001, përdor një virus të çaktivizuar të ngjashëm me vaksinat e gripit.

Në udhëtimin e tij të fundit, yllin e kinemasë franceze, Jean Paul Belmondo, e shoqëroi kolona zanore e filmit me të cilin ai mbahet mend nga shumë breza.

Nën tingujt e kolonës zanore të “Le professionel” dhe duartrokitjeve pa ndalur, arkëmorti i Belmondo u përcoll për në banesën e fundit, pas një ceremonie në nder të tij, ku ishte i pranishëm edhe presidenti Macron, personalitete të tjera të politikës e artit dhe admirues.

Aktori vdiq të hënën në moshën 88 vjeç, duke lënë pas një karrierë të gjatë në ekran, ku shkëlqeu në më shumë se 80 role.

Kreu i Al-Qaidas Ayman al-Zawahri është shfaqur sot në një video në 20-vjetorin e sulmeve të 11 shtatorit 2001.

Jeruzalemi nuk do të judaizohet kurrë

shprehet ndër të tjera al-Zawahri.

Në media të ndryshme kanë ngritur dyshime mbi kohën e regjistrimit të videos, pasi lideri i al-Qaidas mendohet se ka muaj që ka vdekur.