Lajme

Haki Çako, Drejtori i Përgjithshëm i Policisë ka firmosur të tjera ndryshime në strukturën e policisë, të cilat prekin nivelet e ulëta nga shefa krimesh deri në shefa komisariatesh. Vala ka përfshirë edhe Drejtoritë e Kufirit, dhe komisariatet e Tiranës dhe Durrësit.

Presidenti i Republikës së Francës në bazë të kompetencave të dhëna me Kushtetutë, është, siç shpesh ka thënë francezët, një "monark i zgjedhur". Kjo është veçanërisht e dukshme në fushën e politikës së jashtme dhe atë të mbrojtjes.
Emmanuel Makron në bazë të premtimeve të fushatës dhe në veçanti në deklaratat pas zgjedhjeve duket i vendosur për ta marrë këtë rol që kujton Miteranin apo Gjeneralin De Gol.
Mënyra se si ai do të operojë në këto fusha është e rëndësishme duke pasur parasysh rolin e Francës në botë. Kujtojmë se Franca është:

Sulmi ndaj mediave është tanimë e drejtë e fituar nga politikanë të ndryshëm  që e ndërtojnë kundërrealitetin e tyre mbi premisat e akuzës se nuk kemi të bëjmë me me “lajme”, por me “lajme të rreme”. Donald Trump është i mirënjohur në këtë drejtim, ndonëse ai është një “rul” në këtë drejtim meqenëse në botën e qytetëruar është paraprirë nga kryeministri aktual i Shqipërisë që ka marrë përsipër të bëjë kallajnxhiun e kazanit të medias, me një…media  të vet.

Protagonist në ngjarjet e fundit në Maqedoni është kryetari i ri i Kuvendit, Talat Xhaferri, njeriu që ka qëndruar në hijen e Ali Ahmetit, por me influencë në Partinë e Bashkimit Demokratik për Integrim. I karakterizuar si politikan me përvojë që "me qetësinë e tij merr atë që dëshiron" tërhoqi vëmendjen me aktin e fundit të vendosjes së flamurit shqiptar, krahas atij të Maqedonisë dhe Bashkimit Europian në zyrën e kryetarit të Kuvendit. 

Marrëdhëniet mes Iranit dhe Arabisë Sauadite janë tensionuar ndjeshëm duke mbërritur në deklarata të hapura lufte. Pak ditë pasi një nga përfaqësuesit e monarkisë saudite, ministrit të Mbrojtjes Mohammed bin Salman deklaroi se bisedimet me Iranin janë të pamundura pasi “Teherani kërkon kontrollin e botës myslimane”, homologu i tij Iranian, gjenerali Hossein Dehqan, nuk ka kursyer kërcënimet.

“I paralajmërojmë se nëse bëjnë ndonjë veprim injorant, nuk do të lëmë asgjë pa goditur,, përveç Mekës dhe Medinës”, tha Dehqan.

Ish-kryeministri Sali Berisha duket se ka qëlluar në fole të mirë kësaj radhe me qytetarin dixhital. Dikush e ka njoftuar atë me foto, emra dhe pozicione, se disa qytetarë që kanë folur pro zgjedhjeve të 7 majit në Kavajë, në fakt janë nëpunës zyrash të zgjedhur nga PS-ja. Duke qenë se Berisha i hodhi në rrjet, këta u klasifikuan vetiu mes atyre “drejtorëve që të nxjerrin bojën”, siç u shprehur në epokën para Rilindje, kryeministri aktual. Nëse i besojmë Berishës fjala është për drejtor ujësjellësi, drejtor i Ndihmës Sociale, por edhe për një qytetar që nuk voton fare në Kavajë.

Shaban Murati vijon edhe sot në një opinion në “Gazeta Shqiptare” me idenë e depërtimit rus në Ballkan. Duke e artikuluar këtë tezë në kufijtë e një obsesioni, Murati, diplomat dhe publicist i njohur, shkruan se kësaj radhe kemi të bëjmë me një etapë të re të angazhimit të Rusisë në Ballkan. Ai e merr spunton nga një deklaratë e ambasadorit rus në BE, Vladimir Chizhov, sipas të cilit “Rusia ofron alternativën ruse në vend të integrimit euroatlantik për Maqedoninë dhe shtetet e tjera të Ballkanit”.

Disa komuna në Kosovë po njohin një rritje të shpejtë të transformimit të tokës bujqësore në tokë truall ndërtimi. Sipas gazetës “Koha Ditore” bëhet fjalë për 500 ha çdo vit të cilat I humbasin fondit bujqësor dhe kryesisht në komunat e Ferizajt, Fushë Kosovës, Pejës, Prizrenit, Gjilanit dhe ajo e Lipjanit. Ndërtimet përfshijnë zona ekonomike, hapësira biznesi, banesa etj., një proces shqetësues nga një pikëpamje, por tregues zhvillimi nga një perspektivë tjetër.

Ish-shefi i Arkivës së Ministrisë së Punëve të Brendshme, Kastrio Dervishi, poston në Facebook fotokopjen e një raporti të vitit 1951, sipas të cilit autoritetet e kohës flisnin për pensione të lidhura për familje dëshmorësh, në masën 3 373. Një shifër shumë larg 28 mijëshit të njohur. Po sjellim atë që shkruan Dervishi, bashkë me foton, por duke mbetur në mendimin se për këtë çështje është mirë të flasin zyrat e shtetit. 

"Raporti i vitit 1951, 3.373 dëshmorë të luftës