Lajme

Presidentit amerikan, Donald Trump dhe homologu turk Rexhep Taip Erdogan u takuan për rreth 25 minuta në Shtëpinë e Bardhë, ku më pas dolën në një konferencë të përbashkët për shtyp. Trump përsëriti mbështetjen e plotë për luftën e Turqisë kundër terrorizmit dhe vlerësoi presidentin turk, Erdogan. Megjithatë shefi i Ankarasë ishte dukshëm i pakënaqur me ndihmën ushtarake të SHBA-ve ndaj kurdëve sirianë, të cilët Turqia i konsideron terroristë.

Vizita e zv/ndihmës sekretarit amerikan Hojt Brajian Ji prodhoi një zhvillim të ri në terrenin politik, ku efekti më i dukshëm është ndalimi i deklaratave nga të dy palët dhe rihapja e negociatave për gjetjen e një zgjidhje mbi kërkesat e Partisë Demokratike. Ji raportohet se është larguar nga Tirana dhe negociatat po i ndjek ambasadori amerikan Donald Lu. Zyrtarisht nga palët nuk është komunikuar asnjë qëndrim, por ajo që mësohet është se nuk është arritur asnjë marrëveshje.

Holanda ka vendosur ekstradimin e Arben Frrokut në Shqipëri. Gjykata e Lartë holandeze ka refuzuar kërkesën e Frrokut për të qëndruar në këtë shtet, pasi sipas tij në Shqipëri i është bërë një gjyq politik. Gati një vit pas arrestimit të Frrokut drejtësia Holandeze, ka pranuar kërkesën e palës shqiptare për ekstradimin e Frrokut drejt Shqipërisë-raporton shqiptarja.com

Në cilësinë e Kryetarit të Shoqatës Shqiptare së Anestezi-Reanimacionit, Tritan Shehu ka dhënë qëndrimin e tij mbi ngjarjen tragjike të vdekjes së 16-vjeçares Blerta Pepa në një spital privat në Tiranë. Shehu apelon të priten rezultatet e ekspertizës mjeko-ligjore dhe mbron versionin se Blerta Pepa vdiq nga një ndërlikim i rrallë që nuk lidhet me gabime njerëzore, por me një ndërlikim të rrallë që sipas tij në botë njihet si hipertermi malinje.

Reagimi i plotë i Tritan Shehut në Facebook:

Bashar al Assad duket se ka fituar edhe në luftën e nervave. I qetë në kontrollin e vendit pavarësisht asaj që po ndodh, i qetë dhe i ftohtë në lëvizjet ushtarake, në likujdime, në asgjësime, Assad ngjan se është aty për të mos ikur. Armiku më i madh i tij sot, Izraeli, thuhet se ka investuar shumë për nxjerrjen e tij dhe dinastisë që përfaqëson nga skena politike, por nuk ja ka dalë. Sot ministri i Ndërtimit të Izraelit, Yoav Galant(Kulanu) ka deklaruar se “ka ardhur koha që Assad të vritet”.

Dje u bë me dije një manovër administrative e qeverisë shqiptare e cila kushtëzon marrjen e ndihmës ekonomike me kryerjen e kontrollit bazë mjekësor. FIllimisht harku i moshës të cilës I ofrohet ky shërbim ishte 40-65 vjeç, më vonë u bë 35-70 vjeç, dhe së fundmi shtohet edhe ky kriter. Dyshimi është që qeveria po përpiqet të mbulojë konçesionin e check up i cili paguhet për rreth 400 mijë persona, pavarësisht sesa është numri i personave që e kryejnë atë.

Një 16 vjeçare humbi tragjikisht jetën pas komplikacioneve që shoqëruan operacionin e saj në gju. Blerta Pepa, ish-pjesëmarrëse në edicionin e spektaklit  "Gjeniu i Vogël" në Televizionin Klan iu nënshtrua një ndërhyrje kirurgjikale në një spital privat pas dëmtimit të ligamentit dhe meniskut të gjurit. 16 vjeçarja, nxënësve e shkollës Çajupi në kryeqytet kishte dëmtuar gjurin në orën e fiskulturës në shkollë.

Ministri i Financave Arben Ahmetaj në kuadër të strategjisë elektorale të qeverisë për të përcjellë në opinion "mrekullitë" e programit të ri elektoral të Partisë Socialiste deklaroi në një konferencë për shtyp se premtimi për hapjen e 220 mijë vendeve të punës në katërvjeçarin e ardhshëm është realist, ndërsa ripërsëriti si vlera të shtuara në programin e ri qeverisës rritjen me 40% të pagave në arsim e shëndetësi.

Gazeta greke "Kathimerini" i ka bërë një analizë të fundit situatës në Maqedoni, ku ndërt të tjera flet për pozicionin tejet të vështirë ku ndodhet ish-kryeministri Nikola Gruevski. Drejtor i Institutit të Marrëdhënieve Ndërkombëtare, Dr. Konstantinos Filis shkruan se Gruevski nuk është më shumë i shqetësuar për "shqiptarizimin" e Maqedonisë sesa për mbijetesën e tij politike, ekspozimin për çështje në raport me drejtësinë për të cilat normalisht duhet të ishte ndjekur penalisht.

Kundërshtimi i establishmentit, i këtij rendi politik ku kalon dhe kufizohet jeta jonë, duket se po kthehet në dukuri globale. Kjo është krizë që manifeston dëshirën për të rithemeluar marrëdhënien në një botë ku po bëhet e qartë se elita përherë e më të ngushta kontrollojnë shumë më tepër sesa elitat e djeshme. Nuk është immune ndaj kësaj dukurie as SHBA, vendi ku demokracia dhe liria artikulohen si premisa dhe kufij të sistemit politik.