Kulturë

Është prezantuar në Akademinë e Shkencave punimi I akademikut rus, Aleksander Novik për gjuhën e shqiptarëve të Ukrainës. Punimi është realizuar bashkë me autoren Aleksandra Dugushina dhe mban titullin: “Ekspedita në brigjet e Azovit: gjuha dhe kultura e shqiptarëve të Ukrainës". I njëjti autor figuron  edhe në punimin tjetër "Gollobordë (Golo Bordo), Shqipëri", prezantuar edhe ky në aktivitetin e organizuar me këtë rast nga Akademia e Shkencave.

Nëse do të analizonim gjendjen aktuale sot, e cila i ngjason një situate shpërbërjeje dhe jo krize, një kalbëzimi të shoqërive perëndimore, dallojmë një kontradiktë të shkallës së parë. Ajo që kërkohet të zgjidhet është jashtëzakonisht e vështirë për tu zgjidhur. Kjo edhe për arsyen se vetë njerëzit, për shkak të natyrës së tyre dhe mënyrës se si ata riprodhohen nga shoqëritë perëndimore dhe jo vetëm, qëndrojnë shumë larg shtrirjes dhe diskutimit të problemit. 

Por cili është ky problem?

Ministrja e Kulturës, Mirela Kumbaro deklaroi në Komisionin e Edukimit se në Parkun e Butrintit kanë rifilluar punimet për ndërtimin e Bar-Kafesë që do të administrohet nga një subjekt privat. 

"Ne e pezulluam për sa kohë të shteroheshin pyetjet dhe proceset në diskutimin publik dhe në marrjen e opinionit të përfundimtar të UNESCO-s. Ka rifilluar punimi dhe shumë shpejt pika e shërbimit bëhet gati për sezonin e ri turistik”-theksoi ministrja. 

Është ndarë nga jeta Gëzim Qendro, kritik dhe historian arti. Lajmi është njoftuar nga ministrja e Kulturës, Mirela Kumbaro që shton se Qendro vuante nga një sëmundje e rëndë.

Qendro kishte doktoruar në Estetikë në Universitetin Paris VIII dhe ka drejtuar departamentin e Art&Dizanjit në Universitetin Polis.

Ai ka qenë aktiv në debatin për artin, ai ka qenë drejtor i Galerisë së Arteve dhe ka disa botime mes të cilave “Arkeologjia e mëngjesit”, “Heronjtë janë të uritur”, “Kinostudio ose Shqipëria e Vjetër” etj..

Xhamia e Et'hem Beut, e ndërtuar në vitin 1794 do t’i nënshtrohet një restaurimi të plotë. Për dy vjet sa mendohet të zgjasin edhe punimet objekti i kultit do të qëndrojë i mbyllur.  Besimtarët janë munduar vetë të bëjnë disa rregullime, ndërsa vendi ku falen gratë është tejet i amortizuar.

Ideja se Neandertalët ishin njerëzit e parë që krjuan art sa vjen dhe përforcohet për të shkuar drejt një teze përfundimtare. Një studim i fundit që ka marrë në shqyrtim edhe zbulimin e shpellave me vizatime në Spajë që mendohet se janë 65 mijë vjet të vjeta, e vendos Nenandertalin në një tjetër perspektivë për shkencën. Jo më inferiorë dhe të pazhvilluar, por humanoidë të sofistikuar që riprodhonin imazhe dhe që kishin një sens artistik të ngjashëm me tonin.

Ministrja e Kulturës ka deklaruar se konsultimet kanë nisur dhe se sipas saj projektligji do diskutohet përpara se të bëhet ligj. Sipas saj madje bëhet fjalë për decentalizim kompetencash dhe jo centralizim, ndërkohë që për godinën e teatrit u shpreh se nuk do të ketë ndryshime derisa të ketë një projekt të ri.

Pas këmbënguljes së ministres Mirela Kumbaro për të mos u tërhequr nga projekti për zhvendosjen e trupës së Teatrit Kombëtar në kompleksin “Turbina”, duket se qëndron vetë kryeministri. Ndonëse në dukje i ka qëndruar larg këtij debati zoti Rama ka gjetur mënyrën për të thënë se qeveria e tij nuk merr leksione nga askush. Duke i kthyer përgjigje një komentuesi në facebook, kryeministri la të kuptohet se janë artistët ata që nuk dijnë çfarë duan.

Në reagim të deklaratave të aktorit të njohur Robert Ndrenika për zhvendosjen e shfaqjeve të Teatrit Kombëtar, ministrja e Kulturës, Mirela Kumbaro në një letër të hapur i kujtoi Ndrenikës kthimin e ambjenteve të Teatrit Kombëtar në sallë bingoje.

“Unë mendoj gjithashtu se komuniteti i aktorëve dhe shoqëria jonë nuk duhej ta kishin lejuar që Teatri të kthehej në lokal me tym lojërash fati e bingoje, që thithte klientë, por jo artdashës. Nuk di ç’mendoni ju për këtë, i dashur Robert!”-thuhej në letrën e ministres.

Është publikuar në Francë vëllimi i katërt i “Historisë së seksualitetit”, libër me autor filozofin e njohur francez, Michel Foucault.

“Rrëfimet e mishit” është një vepër e papërfunduar që vjen për lexuesin 34 vjet pas vdekjes së Foucault dhe hulumton evolucionin e optikës kristiane mbi seksualitetin.

Botuesi Frederic Gros është shprehur se botimi i librit përkon edhe me ngritjen e lëvizjes #MeToomovement  kundër ngacmimit seksual.