Kulturë

Botohen shënime  të panjohura të ditarit të  Anne Frank, ku ajo shfaq mendimet e saj "të pista" për seksin, dhe lakuriqësinë. Siç është e njohur, ditari i vajzës hebreje, është shkruar gjatë kohës që ajo qëndronte e fshehur nga nazistët dhe u botua pas vdekjes së saj në fund të luftës. BBC thotë se këto dy faqe ishin të ngjitura me një letër me ngjyrë kafe, me sa duket për t’i mbajtur të fshehura nga prindërit. Megjithatë, teknikat e reja të imazhit u kanë mundësuar hulumtuesve t'i lexojnë ato.

Arbëria. Ky është titulli i një filmi që po realizohet nga Francesca Olivieri i cili trajton temën e një vajze arbëreshe që rigjen rrënjët e veta të origjinës. Aida është një vajzë nga pakica arbëreshe e cila i kundërvihet zakoneve dhe largohet jashtë. Me vdekjen e të atit detyrohet të rikthehet për të rënë në kontakt me origjinën, me një gjuhë dhe etni tjetër.

Një punim i 43 historianëve pretendon të japë në një përmasë më të plotë se deri më tani historinë e popullit shqiptar në shekullin që lamë pas. Në një intervistë për Tema Tv, historian Beqir Meta, një prej autorëve, thotë se ka të dhëna të reja dokumentare që pasurojnë historinë. Vëllimi i parë shkon deri në vitin 1920 dhe nuk merret vetëm me historinë e Shqipërisë, por përfshin edhe shqiptarët që banojnë jashtë territorit të shtetit të parë të shqiptarëve, pra Shqipërisë.

Fjalori historik i shqipes, është një nga projektet që Departamenti i Gjuhës Shqipe në Universitetin e Mynihut në bashkëpunim me Institutin e Gjuhësisë në Shqipëri ka në plan të sjellë në lëmin e shqipes. Fjalori, do të pasqyrojë lëndën leksikore që nga “Meshari” i Gjon Buzukut deri në fillim të shekullit XX. Lajmin e jep kreu i institutit, Valter Memisha, i cili thotë se fjalori ka rëndësi shumë të madhe. 

Eposet Homerike janë të ndara në rapsodi që këngëtarët këndonin  në oborret e sundimtarëve të shquar. Ajo që nuk dimë është si dëgjoheshin vargjet e Homerit në veshët e publikut.

George Danek i Universitetit të Vjenës dhe Stefan Hagel i Akademisë Austriake të Shkencave përgatitën një interpretim që jep një përshtypje të ngjashme si dëgjoheshin këto poezi kur këndoheshin në greqishten e vjetër.

Fragmenti i mëposhtëm është i përbërë nga vargjet  267-299 nga Rapsodia 8 e  ​​Odiseas në të cilën Demodocus këndon për dashurinë e tij për Afërditën.

Artisti i madh rus me banim në Gjermani, Arkady Shilkloper vjen për herë të parë në Tiranë në Festivalin Ndërkombëtar të Instrumenteve të Tunxhit. Një nga instrumentistët më të mirë në botë të kornos dhe alphorn-it, Shilkloper do të intepretojnë krah virtuozëve nga Italia, Amerika, Izraeli, Rumania dhe Kosova.

Intervista e plotë për TemaTV: 

Kjo është një intervistë e Liri Belishovës dhënë për Robert Elsie në vitin 2011. Mund të konsiderohet si një lloj dëshmie dhe refleksioni mbi fillimet e lëvizjes komuniste në Shqipëri dhe atë që ndodhi pas Luftës. Aty Belishova flet për drejtuesit e regjimit, përfshirë Enver Hoxhën, Mehmet Shehun dhe Nako Spirun.

Kartoteka dhe Arkivi i Institutit të Gjuhësisë janë ndër arkivat më të rëndësishëm të shkencës albanologjike sot në Shqipëri. Me miliona skeda ruhen sot në kushte të mjerueshme në Kartotekën e Institutit të Gjuhësisë, ndërkohë që edhe në Arkivin e Institutit të Gjuhësisë kushtet nuk janë ashtu siç duhet.

TemaTv

Agjent, ushtar, filozof dhe poet. Një mendje e mrekullueshme matematikore, autor i 42 librave që nga Historia Polake deri te romani i parë fantashkencor. Punoi si shkrues i një kardinali dhe shkëlqeu si një lojtar profesionist bixhozi para se të merrej në mbrojtje nga një fisnik venecian.

Por sa janë në dijeni të këtyre cilësive të Xhakomo Kazanovës, kur personaliteti dhe dhuntitë e tij  janë lënë në hije nga reputacioni si feminist? Më afër fytyrës së vërtetë dhe Iluminizmit të tij përpiqet të tregojë për vizitorët muzeu i parë që u hap në Venecia 220 vjet pas vdekjes së tij.

Hervin Çuli do të jetë drejtori i Tetarit Kombëtar edhe për 4 vite të tjera. Kandidatura e tij është miratuar në mbledhjen e sotme të qeverisë. Rivalet e drejtorit aktual në garën për të drejtuar Tetarin Kombetar ishin Ema Andrea, Genci Fuga dhe Laert Vasili.

Emërimi i drejtorit të Teatrit Kombetar vjen në një kohë  debatesh mes aktorëve e regjisorëve të këtij institucioni dhe Ministrisë së Kultures si për shembjen e godinës së teatrit ashtu dhe për projekligjin e ri per artin dhe kulturën.