Ekonomi

Intech +, krijesa e ministrit aktual të Shëndetësisë Ilir Beqaj rezulton një prej më të seksesshmet në partneritetin me qeverinë dhe agjencitë në varësi të saj. ABC News raporton se  në më pak se 22 muaj kjo kompani ka fituar plot 28 tendera publike me një shumë rreth 11 milion dollarë.

ABC News thotë se suksesi i papritur i kësaj kompanie lidhet me emrin e ministrit të përfolur gjithashtu për tenderimet dhe konçensionet në ministrinë e tij, Ilir Beqaj.

E kritikuar se nuk ka përmbushur objektivat e kontratës kompania britanike Crown Agents duket se nuk do tërhiqet kollaj nga asistenca në Shqipëri. Në një reagim për mediat ajo fajëson këto të fundit për raportime të pasakta në lidhje me punën e bërë, duke e quajtur të pavërtetë lajmin se Crown Agents do të zëvendësohet nga një kompani gjeorgjiane.

E fundit ishte dhoma amerikane e tregtisë ajo që tërhoqi vëmendjen se fokusimi tek masat represive po shkakton efekt të kundërt tek biznesi shqiptar. Por sot Komisioni i ekonomisë po diskuton ndryshimet në kodin penal, në të cilin parashikohen masa të rrepta ndëshkimore. Zv.ministrja Beqiraj raportoi masat e ndëshkimit të parashikuara në këtë pr.ligj, ku bëri të ditur se mosdeklarimi i saktë ose i rremë në doganë dënohet me 7 vite burg. Zv.ministrja deklaroi se ashpërsimi i masave, të parashikuara në këtë pr.ligj bëhet në kuadër të luftës kundër informalitetit, njofton Monitor.

Në shtator janë lëshuar mbi 39.300 kuponë, ose 2.2 herë më shumë se shtatori i një viti më parë, ndërkohë që vlera mesatare e një kuponi tatimor ka zbritur nga 3400 lekë në shtatorin e dy viteve më parë, në më pak se 1500 lekë aktualisht. “Monitor” shkruan se presionit të lartë të administratës tatimore për të përdorur kuponin tatimor, në mënyrë që të deklaronin xhiron reale, bizneset, sidomos ato të vogla, duket se ia kanë gjetur ilaçin.

Korporata Energjetike Shqiptare duket se ka humbur të drejtën e importit të energjisë. Enti Rregullator i Energjisë thotë se kjo e drejtë do t’i kalojë Operatorit të Shpërndarjes së Energjisë, që deri më tani ka kryer këtë veprimtari vetëm për të mbuluar humbjet në rrjet. “Deri tani OSHEE ka kryer importe vetëm për të mbuluar humbjet në rrjetin e energjisë, dhe pjesën tjetër që i duhej, edhe nëse nuk kishte prodhim të mjaftueshëm, KESH duhet ta blinte jashtë.

Gazeta “Shqip” raporton se biznesi shqiptar dhe ai i huaj që operon në Shqipëri ka përpiluar një paketë kërkesash të cilat ia ka dërguar Ministrisë së Financave me synim marrjen parasysh të tyre në hartimin e paketës fiskale. Duhet thënë se nga paketa e kërkesave që raporton “Shqip” politika fiskale e qeverisë kontestohet gjerësisht dhe me gjasë ajo ka ndikuar në krijimin e një klime jo pozitive. Më poshtë kërkesat e biznesit:

Fasonët: Të mos paguhet tatimfitimi kur bëhet investim në makineri

Në raportin e Komisionit Europian, Shqipëria përballet me një ngadalësim të rritjes ekonomike dhe rritmeve të krijimit të vendeve të punës. Ky konstatim bëhet për ecurinë ekonomike të vendeve kandidate dhe potencial kandidate, trasmeton “Ora News”. Raporti thekson se rritje ekonomike e Shqipërisë u ngadalësua në 2.5% në 3-mujorin e dytë të vitit kundrejt 2.8% në tremujorin e parë. Gjithsesi ajo ka një performancë pozitive e mbështetur nga rritje e investimeve dhe kontributi i eksporteve.

Biznesi ndodhet në një klimë tmerri. Ky është konkluzioni i revistës  “Monitor”, të cilin e ka mbrojtur dhe me një shkrim të zgjeruar. Sipas “Monitor” rritja e tejskajshme e gjobave në ndryshimet për procedurat konsiderohet e frikshme nga sipërmarrësit dhe ekspertët, teksa bizneset tremben se ajo do të shtojë abuzimet nga tatimorët Të frikshme, drastike, shkatërruese, të paimagjinueshme, shtypëse, diktatoriale, prishje e balancave të një vendi e deri te falimente me pasoja të rënda sociale afatshkurtër dhe ekonomike në afatin e mesëm, që mund të dëmtonin zhvillimin e vendit.

Një ligj që rrezikon të falimentojë biznesin. Kështu e cilëson ligjin e ri për procedurat tatimore, Dhoma Amerikane e Tregëtisë, që përmes një deklarate ka përcjellë shqetësimin e biznesve e që përfaqësohen me këtë Dhomë. “Në të gjithë botën gjobat përcaktohen si një përqindje e caktuar mbi nivelin e xhiros apo totalit të taksave të paguara, që do të thotë se një biznes me xhiro vjetore 8 milion lekë nuk mund të gjobitet 10 milion lekë, sepse shkakton falimentin e menjëhershëm të biznesit.

Mungesa e gjatë e reshjeve ka ndikuar në uljen e nivelit të rezervës hidrike në basenin e HEC-it të Fierzës. Niveli i ujit është 271.8 metër, kuotë kjo e njëjtë me mesataren shumëvjeçare në këtë periudhë. Sipas “Monitor”, burimet në Ministrinë e Energjetikës pohojnë se, situata është tërësisht në kontroll dhe se gjithçka po shkon sipas programit. Programi ekonomik i KESH për 2015 kishte bërë parashikim që gjatë vitit të importohej një sasi energjie elektrike për të ruajtur kuotat. Gjatë këtij viti, deri më tani, nuk është bërë import por vetëm eksport.