Bota

Nxënësit e shkollave të mesme në Kaliforni të ShBA-së do të duhet të ndjekin një kurs për studime etnike përpara se të diplomohen në fund të shkollës. 

Presidenti kinez, Xi Jingping, thotë se çështja e Tajvanit lindi nga dobësia dhe kaosi në të cilin u gjet Kina, por ai do të jetë nën qeverisjen e saj.  

Tajvani është "një çështje e brendshme e Kinës dhe nuk lejojmë ndërhyrje të jashtme", tha Jinping në festimet për 110 vjetorin e Revolucionit të 1911-s.

Gjykata Kushtetuese në Poloni i cilëson në kundërshtim me Kushtetutën e vendit disa ligje të Bashkimit Evropian. Vendimi i shpallur dje shkaktoi zemërim në Bruksel dhe ka gjasa të dëmtojë më tej marrëdhëniet me BE-në. Gjykata u kërkoi institucioneve të BE-së të mos "veprojnë përtej fushëveprimit të kompetencave të tyre" duke ndërhyrë në gjyqësorin e Polonisë.

Dy gazetarë ndajnë Çmimin Nobel për Paqen në vitin 2021. Gazetarët Maria Ressa dhe Dmitry Muratov u shpallën fitues në një ceremoni të mbajtur në Oslo të premten në mëngjes.

Dy gazetarët u vlerësuan "për përpjekjet e tyre për të mbrojtur lirinë e shprehjes, si parakusht për demokracinë dhe paqen e qëndrueshme".

Filipinasja Ressa, "e përqendroi vëmendjen kritike në fushatën e diskutueshme të regjimit të Dutertes kundër trafikantëve të drogës", tha Komiteti Norvegjez i Nobelit.

Rritja e çmimeve të energjisë në të gjithë Europën i ka detyruar liderët e vendeve t’i kthejnë sytë nga Brukseli. Por ajo që kanë marrë deti tani ka qenë thjesht një premtim për një “paketë mjetesh”.

Qeveritë e vendeve të BE-së ia kanë frikën një reagimi popullor në rast të moszgjidhjes së këtij problemi. Shqetësimi është ngritur për herë të fundit në samitin e Sllovenisë, të mërkurën.

Një numër i madh bashkëpunëtorësh të CIA-s janë vrarë ose kanë kaluar në anën e kundërt.

Një dokument rreptësisht konfidencial i agjencisë së inteligjencës zbulon detaje që ngrenë pikëpyetje mbi punën e saj. Detajet e tij lënë të kuptohet se shërbimi kundërzbulues amerikan i ka nënvlerësuar rivalët e tij. Sipas “Times”, dokumenti në fjalë u është dërguar të gjitha byrove të agjencisë në të gjithë botën.

Turqia përsërit thirrjet për demilitarizimin e ishujve të Egjeut Lindor. Me anë të një letre dërguar sekretarit të përgjithshëm të OKB-së, Antonio Guterres, përfaqësuesi i përhershëm turk në këtë këtë organizatë, Feridun Sinirlioglu akuzon Greqinë për shkelje të dispozitave të çmilitarizimit të Lozanës të vitit 1923 dhe Traktatet e Paqes në Paris të vitit 1947.

Marrëveshja për të rishikuar sistemin global të taksave është pothuajse në përfundim. Tani vjen pjesa e vështirë: të bëhet funksionale.

Pikëpyetje të reja mbi Covid-19 në Kinë. Sipas një hulumtimi të ri, provinca e Hubeit ka bërë porosi për teste PCR shtatë muaj para se të raportohej rasti i parë me virusin SARS-CoV-2. Sipas një kërkimi të kryer nga organizata Internet 2-0, Universiteti i Shkencës dhe Teknologjisë në Vuhan, Instituti Hubei i Kafshëve dhe Mjekësisë Veterinare me bazë në Akademinë e Shkencave Bujqësore Hubei dhe Qendra Hubei për Kontrollin dhe Parandalimin e Sëmundjeve ishin disa nga institucionet që bënë porosi për teste PCR.

Operatori i tubacionit të shumëdebatuar Nord Stream 2 nga Rusia në Gjermani - i kritikuar nga disa vende perëndimore si një armë gjeopolitike – njoftoi sot se ka nisur mbushjen e gazsjellësit me gaz.

Ky hap vjen në një kohë kur Evropa përballet me një krizë energjetike, ndërsa rezervat e gazit natyror janë në nivel të ulët dhe çmimet e energjisë rriten.

"Procedura e furnizimit me gaz për vargun e parë të tubacionit Nord Stream 2 ka filluar", tha Nord Stream 2 AG në një deklaratë.