Arkiv-Lajme

Deri më sot, Aleanca Kuqezi ka publikuar një “kontratë” me 10 pika, të cilat janë në nivelin e sloganeve. Njërin nga këto slogane, “Drejt një tregu të përbashkët mbarëshqiptar”, ajo e shtjelloi sot në një tryezë me specialistë të sektorit të ekonomisë, financave dhe strategjive zhvillimore. Tryeza nisi me fjalën hyrëse të Dashamir Uruçit, i cili prezantoi “vizionin kuqezi” të rimëkëmbjes së ekonomisë shqiptare dhe aspektet teknike të fuqizimit të tregut vendas dhe atij rajonal.

Ish-kreu i SHISH-it, e në të njëjtën kohë, ish-eksponenti i LSI-së, Fatos Klosi, nuk i jep Ilir Metës asnjë ‘benefit of doubt”, dmth ai nuk beson se duhet besuar tek Meta. “Nuk do të ketë bashkim votash mes PS-së e LSI-së as për të zgjedhur Presidentin, as për të bërë ndonjë mocion mosbesimi për qeverinë”, thotë ai për shqiptaren.com, duke u ndarë nga kori i atyre që po flasin të sigurtë për startin e një bashkëpunimi të ri PS-LSI. Sipas tij, e gjithë kjo që ka ndodhur është një teatër që bën i pari i LSI-së.

Në Shqipëri, në veprimtarinë e djeshme të organizuar nga komuniteti LGBT (ishte një shetitje me biçikleta në bulevard), janë hedhur bomba tymuese nga djem të rinj të fshehur pas kollonave të librarisë së UT-së. Sot e nesër do të ketë do aktivitete të tjera më pak të bujshme sa ato që priteshin, por vihet re qartazi një klimë anti-gay. Mjaft të futesh në web, dhe aty sheh të derdhet i gjithë vreri homofobik i shqiptarëve.

Në një intervistë për televizionin Ora News, kreu i FRD-së, Gazmend Oketa, është përpjekur të shpjegojë sjelljen e tij në parlament (është i vetmi deputet i kësaj partie të re) gjatë procedurave të zgjedhjes së Presidentit. Sipas tij, nuk do të ketë nevojë për raundet e fundit të procedurës, ku kërkohen 71 vota. Oketa beson e supozon se, për hir të interesave të vendit e të integrimit në BE, politikanët do të bien dakord për një president me mbi 84 vota. Dhe në këtë pikë, Oketa nënvizon një ‘por” të rëndësishëm.

ODIHR-i ka mbjellë sherr e konfuzion me deklaratën e vet kundër aplikimit të numërimit elektronik të votave. Ky konfuzion duket më i madh nëse ndjek një lajm të Shqipit të sotëm, me të cilin është hapur gazeta. “ODIHR-i nga Varshava: nuk jemi kundër numërimit elektornik”, është titulli që Shqipi ka zgjedhur për të hapur faqen e parë.

Stokut të borxhit të Shqipërisë iu shtuan edhe 15.5 miliardë lekë gjatë tre mujorit të parë të këtij viti. Të dhënat e publikuara rishtazi nga Ministria e Financave raportojnë se Borxhi Publik arriti në rreth 788 miliardë lekë deri në fund të marsit kundrejt 772.5 miliardë lekëve që ishte deri në dhjetor të vitit të shkuar. Nëse i referohemi gjithnjë shifrave të qeverisë, edhe pse paraqitet me rritje nominale, borxhi duket të jetë ulur gjatë tre mujorit të parë të këtij viti në raport me Prodhimin e Brendshëm Bruto.

Kryeministri Berisha u është kthyer sërish shifrave e llogarive mbi të papunët, dhe ka përmendur krejt kuturú në litaninë e tij të përjavshme në Grupin Parlamentar një shprehje që qarkullonte gjatë regjimit komunist, të cilën e ka vënë çuditërisht në gojën e Ramis Alisë: “Në Shqipëri ka 1 milion të papunë, 1 milion hajdutë dhe 1 milion spiunë”. Mund ta thosh Ramis Alia këtë? E pse? Për ç’qëllim? Kur e ka thënë në fund të fundit? Në ç’kontekst?

Në mbledhjen e sotme të grupit parlamentar te PD-se, Berisha qesëndisi përsëri Ramën rreth shifrës së deklaruar prej këtij të fundit për nivelin e papunësisë në vend. Ai tha se shifra reale e papunësisë mund të jetë edhe më e ulët se sa e raporton INSTAT-i. Por sa e besueshme është shifra prej 142,484 të papunësh që raporton INSTAT-i?

Deklarata e OSBE-ODIHR-it, sipas së cilës numërimi elektronik është i parakohshëm në Shqipëri dhe se për këtë arsye duhen prova pilot përpara aplikimit në gjithë territorin, ka provokuar pështjellim në politikën shqiptare. Maxhoranca e ka mbështetur këtë deklaratë me gojën e Berishës, ndërsa reagimet e opozitës janë me tone zemërimi e zhgënjimi. Ka folur Paskal Milo dhe Skënder Gjinushi në emër të opozitës.

Të dhënat zyrtare të Agjencisë së Sigurimit të Depozitave tregojnë se dallimi midis të varfërve dhe të pasurve është zgjeruar edhe gjatë vitit të shkuar. ASD-ja raporton se vetëm 5 për qind e depozituesve, ose rreth 68 mijë persona, gëzojnë plot 58 për qind të depozitave në sistemin bankar shqiptar ose rreth 430 miliardë lekë nga 740 miliardë lekë në total. E përpjestuar me numrin e depozituesve, përllogaritet që “të pasurit” (68 mijë persona) të kenë mesatarisht 6.3 milionë lekë secili në bankë, kundrejt 202 mijë lekëve që kanë mesatarisht 95 për qind e depozituesve të tjerë.