Arkiv-Lajme të përditësuara

Pak ditë pas ngjarjes tragjike, ku një vajzë e re gjeti vdekjen pasi ra nga kati i 17-të i një ndërtese në zonën e ish-bllokut, një prej të afërmve të saj flet për “vrasje”.

“Vajza jonë nuk ishte tip që mund të mendonte vetëvrasjen. Dyshojmë që e kanë hedhur. Hetimet të shkojnë deri në fund”. Xhaxhai i studentes Iris Belba, e cila mesditën e 10 qershorit humbi jetën pasi u hodh nga lartësia e Sky Tower- it në Tiranë, hedh poshtë dyshimet e deritanishme për vetëvrasje të 21-vjeçares.

Një punonjës policie në qytetin e Laçit është arrestuar nga Shërbimit të Kontrollit të Brendshëm, pasi  dyshohet se grumbullonte armë e municione me qëllim trafikimin e tyre dhe ishte mbështetës i grupeve kriminale në zonën e Kurbinit.
 

Nënshkruhet memorandumi i bashkëpunimit mes Dhomës Kombëtare të Noterëve dhe Zyrës Qendrore të Regjistrimit të Pasurive të paluajtëshme që ka si qëllim forcimin e marredhënieve mes dy institucioneve duke përmbushur qëllimin e përbashkët për regjistrimin në kohë dhe me efikasitet të pasurive të paluajtshme.

Marrëveshja u firmos në ambientet e Ministrisë së Drejtësisë, nga Kryetarja e Dhomës së Noterise, Mimoza Sadushi dhe Kreu i Zyrës Qendrore të Regjistrimit të Pasurive, Ilirjan Muho, ndërsa i pranishëm ishte dhe Ministri i Drejtësisë, Nasip Naço.

117 zyrtarë të niveleve të ndryshme janë gjobitur pasi nuk kanë dorëzuar deklaratën e interesave private “Para Fillimit në Detyrë” dhe “Pas Largimit” për vitin 2013 dhe 2014. Kjo është bërë me dije nga Inspektorati i Lartë i Deklarimit dhe Kontrollit të Pasurive dhe Konfliktit të Interesave që po vijon punën për rakordimin e subjekteve deklarues në të gjitha institucionet publike, në nivel qendror dhe lokal në vendin tonë.
 

Gjendet i rrahur barbarisht në tokën greke shtetasi shqiptar Erjon Çaushaj. 38-vjeçari është gjetur nga policia greke në fshatin Kallpaq pranë Janinës.

38- vjeçari u transportua nga Kakavija  me një ambulancë të Gjirokastrës drejt qytetit e Fierit dhe për shkak të gjendjes së rënduar shëndetësore u dërgua në Tiranë për trajtim më të specializuar.

Dyshohet se shqiptari nga Fieri është grabitur e më pas është rrahur, ku autorët mendohet se i kanë marrë rreth 4000 Euro.

Gjykata e Krimeve të Rënda jep 111 vite burg për tre të akuzuarit për vrasjen e shefit të krimeve të komisariatit të Matit, Musa Skura. 

Gjykata caktoi burg përjetë për Fitim Allën i akuzuar si autori kryesor i ngjarjes; 6 vjet për Vilson Milkurtin dhe 4 vite për Edison Lleshin. 

Familjarët e të pandehurve nuk kanë qenë dakort me vendimin duke reaguar dhe deklaruar për prova të manipuluara. Gjithsesi, familjarët kanë 10 ditë kohë për të apeluar vendimin në gjykatën e Apelit. 

Kreu i partisë demokratike Lulzim Basha, merr pjesë në pelegrinazhin e mbajtur te Kisha e Shna Ndout në qytetin e Laçit. Basha se bashku me deputetet Aldo Bumçi dhe Mhill Fufi, janë ngjitur duke përshkuar në këmbë kodrën ku ndodhet kisha.

Gjatë pelegrinazhit Lulzim Basha u shpreh: Ky është një vend që ka bërë mrekulli të mëdha, dhe kjo nuk është hera e parë që unë vij këtu, pasi kam qënë dhe herë të tjera.

Gjithashtu kreu i partisë demokratike të Shqipërisë shtoi: Ju uroj të gjithë shqiptareve festen e Shna Ndout, me shume paqe e harmoni midis njëri-tjetrit.
 

Policia e Durrësit ka zbardhur detaje të reja lidhur me grabitjen e pikës së skrapit në Mamurras më datë 12 Qershor. Policia shoqëroi në komisariat 6 persona, njëri prej të cilëve rezultoi të ishte autor i grabitjes së një tjetër pike skrapi në Laç të ndodhur më datë 16 Maj 2014.

I arrestuari është 39-vjeçari Dritan Pula, i cili grabiti së bashku me një person tjetër pikën e skrapit në Laç rreth 1 muaj më parë. Nga grabitja e atëhershme mbeti i plagosur roja i kësaj pike, Gëzim Mehmeti 55 vjeç, i cili ende është i shtruar në spital në gjendje të rëndë shëndetësore.

Një ngjarje thuajse e pazakontë…por mëse tragjike ka ndodhur në Mirditë. Mëngjesin e kësaj të premteje 40-vjeçarja Prena Marku ka gjetur vdekjen, ndërsa mbesa e saj 18-vjeçare Rezarta Marku është plagosur… dhe kjo nga pakujdesia e bashkëshortit të 40-vjeçares.

Teksa pastronte armën e gjahut plumbi i ka marrë jetën gruas dhe ka plagosur mbesën e tij, çka nuk është përballuar dot prej tij.

52-vjeçari Ndue Bisaku pas kësaj ngjarjeje tragjike ka tentuar të vrasë veten me thikë.

Vrasja ndodhi në fshatin Konaj në komunën Fan.
 

Policia ka arrestuar në Tiranë dhe Laç dy persona që deri disa kohë më parë konsideroheshin si të paprekshëm nga uniformat blu. Superoperacioni që drejtohej nga prokurori i Krimeve të Rënda, Anton Martini dhe zv.drejtori i policisë së Shtetit Sokol Bizhga, ka futur në rrjetën e tij dy shtetasit Arjan Shanaj nga Fieri dhe Astrit Bushin në qytetin e Laçit.