Strehimi-një mundësi, blerja e banesave në stokun e banesave të pashitura

Qeveria duket se do bëjë një përpjekje për t’i dhënë zgjidhje problemit të të pastrehëve. Drejtoresha e Entit Kombëtar të Banesave, Aida Martiro ka shpjeguar se mënyra që po mendohet është blerja e banesave në treg dhe mandej kalimin e tyre kundrejt një qiraje, ose lehtësim në marrje kredie për ataq që kanë nevojë. Mundësia po shikohet në atë që quhet stoku i banesave të pashitura. Martiro ka shpjeguar në një intervistë për “Shekullin” se aktualisht në treg stoku arrin ka indeksin 28%, ose ndryshe 12000 banesa. Të para do të hyjnë 12 familje të mbetura pa shtëpi pasi banesat e tyre u kanë kaluar ish-pronarëve. Martiro shprehet se Enti si një ndërmarrje me vetëfinancim mund të provojë edhe ndërtimin e banesave të reja.

s.z