Shpërthimi pranë fakultetit ekonomik më në fund realizohet. Sërish me mundime

Tre tentativa për ndezje, por kapsollat ishin difektoze dhe u desh zëvendësimi i tyre për të realizuar shpërthimin e godinës 7-katëshe në zonën e “Vilave Gjermane”, në rrugën e Elbasanit. Godina pa leje ishte bllokuar që ditën e djeshme nga forcat e INUK. Fillimisht ishte njoftuar se godina do të shembej në orën 15:00, dhe edicionet e lajmeve ishin përgatitur për t’u hapur me këtë ngjarje. Por vetëm pas 40 minutash u krye shpërthimi, që zuri disi pa mendje gazetarët dhe fotoreporterët e mbledhur pranë vendngjarjes. Forca e shpërthimit ishte e madhe dhe u ndje në gjithë zonën përreth.  

a.k