Shkarkohet Muho, opozita dhe më pas Arvizu lënë sallën e Kuvendit

Kuvendi ka miratuar pak minuta më parë me 73 vota pro shkarkimin e Ilirjan Muhos si anëtar i Komisionit Qendror të Zgjedhjeve. Partia Demokratike është ndihmuar nga votat e tre socialistëve, Kastriot Islami, Asllan Dogjani dhe Gjovalin Kadeli. Opozita ka vendosur që të braktisë seancën e Kuvendit, ku do votohej për shkarkimin e anëtarit të KQZ-së. Pak para se Berisha të niste të "përshëndeste votimin" të njëjtën gjë bëri edhe ambasadori Arvizu që gjendej në një nga lozhat e Kuvendit.

Procesi i votimit të lirimit të anëtarit të KQZ-së është shoqëruar me incidente në sallën e Kuvendit. Deputetët e opozitës kanë vendosur të largohen gjatë votimit duke kërkuar të marrin me vete edhe deputetë që janë larguar nga grupi parlamentar. Deputeti Gazmir Bizhga ka tentuar të marrë me vete jashtë salle edhe deputetin Kastriot Islami i cili është zgjedhur me votat e Partisë Socialiste. a.n.