Shënim: AK-ja në koalicionin opozitar dhe jashtë tij

Kreshnik Spahiu ka deklaruar se partia e tij, për një javë, do të marrë një vendim për futjen në koalicionin opozitar, ndëjtjen më vete në garë, apo bashkimin me FRD-në. Ky vendim ndoshta do të përcaktojë nëse partia e tij do të ketë deputetë në parlament apo jo.

Në koalicionin opozitar, AK-së i duhen rreth 5000-5600 vota në çdo qark, për të marrë mandate parlamentarë. Pra, me rreth 65 mijë vota të shpërndara njëtrajtësisht në të gjitha qarqet, AK-ja mund të ketë grupin më të madh parlamentar pas PS-së e PD-së.

Duke garuar e vetme, AK-ja me 65 mijë vota të shpërndara si më sipër nuk merr asnjë mandat, sepse i duhen rreth 12 mijë vota në Tiranë dhe rreth 11 mijë në çdo qark tjetër, për të marrë mandat.

Në koalicion me FRD-në, gara do të jetë e drejtpërdrejtë me të. Sepse në qoftë se koalicioni merr një mandat në një qark, partia që ka marrë qoftë edhe një votë më tepër se partnerja e saj në koalicion, fiton mandatin.
E.Zaloshnja