PS del në mbrojtje të Top Channel, e nxjerrë me dhunë nga ambientet me kontratë

Ka qenë Valentina Leskaj që ka dalë në mbrojtje të kanalin më të madh në vend, të nxjerrë me dhunë nga Ekspozita Shqipëria Sot, duke e krahasuar Berishën me diktatorin bjellorus.

“Si askund tjetër në Europë, përveç Bjellorusisë ka dështuar të respektojë edhe lirinë e medias. Me sulmin ndaj Top Channel, po përpiqet të mbysë çdo zë kritik që vjen nga mediat e lira”,-tha ajo. 

Duke iu referuar rastit të sulmit në media, Leskaj shtoi se në këto 8 vite qeverisje përveç Top Channel, Berisha ka sulmuar edhe Neës 24-ën, Vizion Plus-in dhe Gazetën Tema, media këto që siç tha Leskaj, kanë qenë kritike ndaj tij. 

“Sali Berisha ka përdorur gjykatën si mashë për ta nxjerrë Top Channel-in nga mjediset e ‘Shqipëria Sot” duke shkeluar në mënyrë flagrante kontratën me shtetin shqiptar, ky është kulmi i një sulmi të Sali Berishës për të goditur mediat e lira në vend”,-tha Leskaj më tej.

k.c.