PORTRET: Vdes Aleksandar Tijaniç dhe lë pas një video-amanet: “12 vitet e fundit, jo gazetari, por luftë për të ruajtur kokën”

Aleksandar Tijaniç, një nga gazetarët më të rëndësishëm dhe më të njohur në Ballkan, ish-drejtor i Radio Televizionit të Serbisë, vdiq këtë të hënë në moshën 64 vjeçare. Është shumë interesante videoja-amanet që ka lënë pas vetes, një intervistë për “NIN”-n e dhënë dy vjet më parë, me amanetin: “Publikojeni pasi të vdes”.

Ky amanet është publikuar pikërisht pas vdekjes së tij, këtë javë.

Në këtë video-intervistë, siç vëren agjensia INA ai kujtuar edhe Kosovën, Deçanin dhe ka konstatuar me vendosmëri: “Qëndrimi im është që Kosova duhet dhënë, Nuk kemi ne forcë fizike ta mbajmë. Ne jemi ish hegjemonistët e Ballkanit”.

Për sa I përket profesionit, ai ka thënë:

“Nuk do të dëshiroja që gazetaria serbe të më kujtojë. Dëshiroj të lë pas dy-tre libra me tekstet e mia dhe këto libra ti shfletojnë vetëm studentët e gazetarisë, kur të duan të shohin dhe të vlerësojnë duke lexuar ato tekste se çfarë i çmenduri ka qenë Tijaniçi. 12 vitet e fundit  të punës time kjo nuk ka qenë gazetari, por luftë për ta ruajtur kokën”- është shprehur Tijaniç.

 “Unë thellësisht e urrej profesionin të cilin e ushtroj. Gazetaria, kjo është shtresë e robërve. Nuk e di as vetë se çfarë kërkoj në gazetari plot katër dekada. Kur i mbledh – sublimoj të gjitha, janë nja dhjetë tekste që mund të shprehin atë që jam unë.  Janë vetëm nja dhjetë tekste nga dhjetë mijë që kam shkruar unë”.

k.c.