Përgjigja e Withers për pyetjen: Çfarë ka mbetur pas kësaj për ju, popullin shqiptar?

E çfarë ka mbetur pas kësaj për ju, popullin shqiptar?  - pyet ambasadori Withers gazetarin e SHQIP Gjergj Erebara dhe pergjigjet: "Ka mbetur një gjë, por një gjë shumë e rëndësishme – e drejta juaj për të votuar. E drejta juaj për të përcaktuar jo vetëm se kush do ta drejtojë vendin, por edhe se si do të drejtohet vendi, në çfarë drejtimi dhe në bazë të kujt ligji..."

Ne intervisten e tij botuar ne te perditshmen SHQIP, Ish-ambasadori i Shteteve të Bashkuara të Amerikës, John L. Withers II analizon situatën aktuale në Shqipëri si një pikë vendimtare:

"Nuk është vendi im për të bërë avokati për ndonjë parti politike apo ndonjë udhëheqës politik. Por u them këtë votuesve shqiptarë: 23 qershori është dita juaj. Dita për të thënë “jo” ndaj diktaturës.

Është dita për t’i thënë “jo” sundimit të njeriut të fortë. Është dita që ju t’i thoni “jo” rikthimit tek e shkuara e errët, ndaj të cilës paraardhësit tuaj luftuan aq ashpër për ta rrëzuar. Është koha për t’i thënë “po” ndryshimit. Është koha për t’i thënë “po” të ardhmes..." a.n.