Mitrovicë, vritet para shtëpisë kandidati serb i komunës veriore

Një këshilltar serb i Mitrovvicës Veriore ka mbetur i vrarë mëngjesin e sotëm në rrethana ende të paqarta.
Dimitrije Janiçijeviç mësohet të jetë qëlluar me armë zjarri përpara shtëpisë së tij, ndërsa policia e Kosovës ka nisur hetimet mbi ngjarjen e rëndë.

Vrasja mësohet të ketë ndodhur në orët e para të së enjtes, ndërkohë që autoritetet spitalore në veri kanë konfirmuar për radion "Evropa e Lirë" se Janiçijeviç është sjellë në spital pa shenja jete.

Viktima ka qenë edhe kandidat për kryetar të Komunës së Mitrovicës Veriore në zgjedhjet e fundit lokale nga Lista e Partisë së Pavarur Liberale.

Ai ishte 35 vjeç dhe baba i tre fëmijëve.

Policia pritet të dalë sot me më shumë detaje rreth këtij rasti.

a.r