Kandidati i shumicës në Tiranë, Veliaj: “Te diga e Liqenit nuk do ketë më leje ndërtimi”. Ndonëse pranon se “ndërtimi te diga e Liqenit u ndalua falë presionit të qytetarëve”

Kandidati i shumicës për Tiranën, Erion Veliaj, ka bërë sot një premtim që është i rëndësishëm e që do mbajtur shënim. Veliaj është shfaqur i prerë teksa ka deklaruar se nëse ai zgjidhet kryetar bashkie i Tiranës, nuk do të ketë më ndërtime te zona e Liqenit Artificial. “Për këtë është shumë e rëndësishme të jemi të qartë dhe të mos bëjmë retorikë. Meqë kemi folur troç për ndërtimet te diga e Liqenit, një ndërtim që u ndalua falë presionit të qytetarëve, ta themi sot qartë e ta dëgjojnë shumë mirë edhe populistët dhe pseudopolitikanët dhe të 5 kandidatët e SHQUP-it: Te diga e Liqenit nuk do ketë më leje ndërtimi. Pikë! E kam thënë 100 herë dhe e them 101 herë dhe sa herë që duhet të dëgjohet”, deklaroi Veliaj. Ai ka pranuar gjithsesi se pezullimin e ndërtimit te Diga e Liqenit, nuk e bëri as qeveria, që në fund të gushtit 2014, me një VKM ndaloi ndërtimet në të gjithë territorin, përveç këtij te Diga e Liqenit.

http://shekulli.com.al/p.php?id=268205

s.z