Instikti i shpellarit inatçi - thotë Kulla për Berishën dhe tregon ç'ndodhi në '97 me refuzimin për të pritur dy politikanët e Uashingtonit

Pëllumb Kulla në një analizë botuar sot në të përditshmen DITA tregon ndër të tjera edhe disa detaje nga ngjarja në fillim të 1997-s që shkaktoi krisjen mes SHBA-ve dhe Berishës, refuzimi nga ky i fundit për të pritur dy politikanë të lartë amerikanë. Kulla në atë kohë ka qenë ambasador i Shqipërisë në OKB. Shkruan Kulla në DITA:

"Është me mjaft interes të rrëfehet se në fillim të 1997, për gjestin e tij luftarak të refuzimit për të pritur dy politikanë të lartë  të Uashingtonit, ai i la në padituri të dy ambasadorët që kishte dekretuar në territorin e ShBA-ve. Mua këtë lajm ma dha një aktivist politik shqiptaro amerikan, ndaj të cilit me shumë vështirësi u hoqa sikur më kish njoftuar kryeqyteti. Unë, pastaj, ia përcolla menjëherë të ndjerit Dilja lajmin që e habiti, ngaqë duhej njoftuar ai i pari zyrat e Presidencës. Ne ishim në pozitën qesharake të përdorimit rëndë-rëndë të “no comment”-it ndaj qindra telefonatave të shqetësuara për paudhësinë e kreut tonë të shtetit. U gjendëm të papërgatitur se atëherë, edhe amerikanët nuk e kishin shfaqur aq hapur pakënaqësinë, sa ç’po e shfaqin këtë herë skandalizimin për padrejtësinë kriminale të vrasjeve të janarit 2011…"

"Instikti i shpellarit inatçi" -  e quan Kulla sjelljen e S.Berishës dhe duke shkruar mbi skandalin e gjykatës me lirimin e vrasësve të 21 janarit, thotë:

"Jemi këtej nja dhjetë mijë kilometra larg e sipas logjikës së atjeshme ne të përkëtejmit mund të flinim të qetë. Po nuk mundemi të gjejmë rehat. Dhjetëmijë kilometrat nuk janë ilaç. Ajo që ka ndodhur në një gjykatë të Tiranës duhet të trondiste dhe marsianët në se ekzistojnë.. Para dy ditësh atje është konsumuar vepra më skandaloze në historinë e Europës paskomuniste. Jeni shpërdoruar ndyraz, o të mjerë gjyqtarë! Dhe ju, dhe prokurorët e atij procesi! Është dhënë një pafajësi e turpshme! Gjykata turpëroi veten, duke nxjerrë të pafajshëm dy pushkatarë të verbër, por vendi dhe historia e shqiptarëve kërkon kryevrasësin. Dhe bota në pesë kontinentet e di që është ai, bash ai, mallkim i kohës sonë! A.N.

Kulla i plotë:

http://gazetadita.al/shperdorimi-i-njerezve-me-vetura-shtete...