Greva e Korçës shtrihet edhe në Kukës. Drejtuesit e furgonëve: "Në lojë mbijetesa jonë ekonomike"

Ndalimi i transportit të pasagjerëve përmes furgonëve rrezikon të kthehet në një problem social jo të vogël. Sot grevës stë nisur nga drejtuesit e këtyre mjeteve në Korçë, i është bashkuar edhe një pjesë e drejtuesve të frugonave në Kukës. Balkanëeb citon një prej drejtuesve sipas të cilit ky vendim i qeverisë ndikon drejtpërdrejt në mbijetesën e familjeve të tyre. “Me këtë punë mbajmë me bukë fëmijët. Tahiri të ndëshkojë përgjegjësit e aksidenteve dhe jo njerëzit e ndershëm”, shprhet një prej pjesëmarrësve në grevë. Si shkak i kësaj ndërhyrjeje ka shërbyer edhe aksidenti në Kukës ku humbën jetën 6 persona, por ky moment duket se është lexuar si një sebep më shumë. Ka disa vite që konflikti për shërbimin e transportit publik pasi furgonat kanë ulur shumë fitimet e linjave të autobusëve të cilët pretendojnë se punojnë të licensuar, por po goditen nga konkurenca e pandershme. Do kujtuar këtu se problemi para disa vjetësh ka qenë shumë i ndjeshëm edhe për transportin urban brenda Tiranës, por i cili u zgjidh me ndërhyrjen e qeverisë, por edhe me përmirësimin e shërbimit nga autobusët e linjës. Në këtë pikë, vendimi i ministrit të Brendshëm dhe atij të Transporteve nuk parashikon sesi do të kompnesohet kjo kategori që e ka lidhur punësimin e vet me transportin e pasagjerëve, por nëse i referohemi sërish prononcimeve të sjella nga Balkanëeb greva do të vazhdojë. “Është e pafalshme, nuk duhen bllokuar furgonat. Për ne janë buka e gojës, kështu mbyllen vende pune nuk hapen vende pune. Kjo qeveri të kontrollojë transportin e paligjshëm jo ne të ligjshmit”, u shprehën drejtues të furgonave të transportit të pasagjerëve në Kukës.

s.z