"Gjuhësia shqiptare është sot institucioni i fundit i padekomunistizuar"
Ledi Shamku-Shkeli është një nga gjuhëtaret që mbështet me forcë ndryshimet e standardit të gjuhës shqipe. Ajo shprehet se, kjo nuk po ndodh sepse “gjuhësia shqiptare është sot institucioni i fundit i padekomunistizuar”.
Ajo shton se, gjuha shqipe ka nevoja për ndryshime ku të pasqyrohen “zhvillimet e reja demografike, shoqërore, politike, ekonomike e kulturore kanë diktuar e diktojnë pasqyrimin e tyre në Shqipen e përbashkët, siç ndodh në çdo gjuhë tjetër të gjallë”.
Në intervistën e dhënë për “Gazetën Shqiptare”, Shamku nënvizon se, kjo “ruajtje” nga ndryshimet mund të çojë në shembjen e normës letrare. “Me fjalë të tjera, me këtë qëndrim kokëfortë e anakronik, rojtarët e standardit del se janë në fakt varrmihësit e tij. Dhe këtë duhet ta kuptojnë. Norma letrare e Shqipes ka nevojë të përditësohet vijimisht duke pasqyruar rezultatet e matjeve konkrete të përdorimit të saj. Siç ndodh me gjuhët rrotull nesh, të cilat falë këtij përditësimi kanë ruajtur një thelb të lashtë, por përherë të ri tyrin dhe nuk i kanë shkëputur lidhjet me trashëgiminë e vet gjuhësore. Kaq është!”
http://www.balkanweb.com/kryesore/1/ledi-shkreli-ndryshimet-...
S.S
Comments
Shtjellimi i ceshtjes nga
<p>Shtjellimi i ceshtjes nga Ledi Shamku-Shkreli me gjen shume dakord. Ngurtesimet dhe llogoret ideologjike e politike nuk e ndihmojne aspak pershtatjen ndaj zhvillimeve gjuhesore ne kohe.</p>
Ja shyqyr qe na dole ti
<p>Ja shyqyr qe na dole ti zonja Shamku te na e dekomunistizosh pak gjuhesine shqiptare!.. Nuk futesh dot ne debat pa u treguar perkatesine ideologjike atyre qe mendojne ndryshe nga ty. Dhe te gjithe te dalin te padekomunistizuar, ashtu si te doli edhe profesor Frasheri para ca vitesh.... </p>
Cfare kuptoni me ndryshime
<p>Cfare kuptoni me ndryshime demografike? Pse dhe si e diktojne ndryshimet DEMOGRAFIKE ndryshimin e standrardit? Cili standrard duhet te ndryshoje? Ai qe nuk eshte respektuar asnje dite keto 20 vitet e fundit?! Vertet ndryshon pas cdo 10 apo 20 vjetesh standrardi i nje gjuhe kombetare? Pasurimi i gjuhes si organizem i gjalleqe eshte, po! Jemi qe jemi te dekomunistizuar, a nuk i fusim nje te ndryshuar cdo 10 apo 20 vjet edhe himnit kombetar, flamurit dhe stemes se Republikes, se datave te pavaresise dhe te clirimit ua kemi marre doren?!</p>
"Dekomunistizimi" i gjuhes?!?
<p>"Dekomunistizimi" i gjuhes?!? Cfare kodosh koncepti eshte ky? Njerezit sot, sidomos "dijetaret" nuk po dine si ta vene vehten ne qender te vemendjes. Shamku mesa duket nuk e kupton qe para se te dekomunistizoje gjuhen duhet te krijoje kushte qe gjuha te mos masakrohet sic po masakrohet nga kush te mundet, duke filluar qe nga folesit ne radio e televizion, politikanet e gjysma-gazetaret, pale pastaj nga perkthyesit qe per vegel kryesore te perkthimit kane "Google translator".</p><p>Nese me dekomunistizim Shamku nenkupton hapjen e dyerve per te pranuar cdo lloj shfytyrimi "qi i bo ija" gjuhes, ose cdo lloj trilli "qi duen me ia qepë do intelektuale te shquem" atehere le ta beje, por te mos na shese profka me dekomunistizim.</p>
Add new comment