Fyle - shuplakë Berishës. A thua do dëgjojmë në disa “lajme” që ishte shuplakë për opozitën?

“Shuplakë ndaj Berishës” e ka quajtur media deklaratën për media të komisionerit europian Fyle, në lidhje me referendumin me të cilin maxhoranca po tenton të miratojë 3 ligjet e “famshme”. Deklaratat e të huajve, zakonisht interpretohen sipas midesë së medias partizane, dhe do jetë shumë interesante të shohim sesi do përtypet dhe rinxirret kjo deklaratë. Ndër të tjera, deklarata shkruante:

“Unë kam mësuar për vendimin e shumicës qeverisëse për të mbajtur një referendum për miratimin e tre projektligjeve dhe rregullores së procedurave parlamentare, të kërkuara për dhënien e statusit kandidat Shqipërisë.

Vazhdimisht e kam theksuar se ligjet, dhe në veçanti rregullorja e parlamentit, duhet të miratohen me konsensus mes opozitës dhe qeverisë dhe për këtë arsye e kam të vështirë të kuptoj këtë vendim që shkon kundër frymës së gjithëpërfshirjes.

Zgjedhja e një referendumi në këtë rast nuk është mënyra se si ndërtohet konsensusi ndërpartiak. Kjo nuk mund të jetë një rrugë për të anashkaluar mungesën e dialogut dhe bashkëpunimit konstruktiv mes qeverisë dhe opozitës për agjendën e BE. kjo nuk është mënyra për të përmbushur kërkesat e nevojshme.”

k.c.