Federatat fantazmë dhe 6.3 mln dollarët, kanë firmosur gjashtë ministra

Disa e quajnë skandal, të tjerë shpërdorim detyre. Por kur ish-Ministria e Turizmit, Kulturës Rinisë dhe Sporteve shpërndan në tetë vjet 6,3 milionë dollarë nga buxheti për federata të cilat nuk ekzistojnë ligjërisht, atëherë termat pak rendesi kane. Ministria e Arsimit dhe e Sporteve ka dokumentuar gjithçka dhe pritet ta denoncojë në prokurori. Gazeta Dita njofton se nga kontrolli dhe verifikimi dokumentar i kryer, rezulton se përfitues janë të paktën 20 federata sportive të ndryshme, të cilat kanë përfituar pa qenë as të regjistruara në Gjykatë. Janë gjashtë ish-ministrat e Kulturës, Rinisë dhe Sporteve, kanë lejuar dhe firmosur shpërndarjen e granteve edhe për 20 federatat fantazmë; Bujar Leskaj, Ferdinand Xhaferi, Ylli Pango, Ardian Turku e deri tek Aldo Bumçi dhe Visar Zhiti. Skandali është pikasur dhe më pas ndjekur hap pas hapi nga sekretari i Përgjithshëm i Ministrisë së Arsimit dhe Sporteve, Plarent Ndreca, i cili ka kërkuar një material të zgjeruar nga ish-Ministria e Turizmit Kulturës, Rinisë dhe Sporteve dhe më pas ka nxjerr shifrat të cilat u janë dhënë federatave.

a.k