Fatos Klosi në krye të Agjencisë së Energjisë Bërthamore. Që do të bëhet një institucion energjetik

Agjencia Kombëtare e Energjisë Bërthamore në fakt ekziston. Institucioni i krijuar nga ish kryeministri Berisha në valën e entuziazmit energjetik nuklear, ka për kryetar ish-shefin e Shërbimit Informativ Shtetëror, Fatos Klosi. Profesori i fizikës, shkruan shqiptarja.com, ka thënë se është në këtë detyrë që nga nëntori i vitit të kaluar, por që këtu do të jetë për të reformuar këtë institucion dhe për ta kthyer atë në një institucion mirëfilli të energjisë. Emërimin zyrtar Klosi e mori nga kryeministri Rama. Në këtë agjenci janë vetëm 7 ekspertë dhe pritet reformimi i saj për nevojat e vendit, sigurisht me fokus raportin e vendit tonë me mundësinë e eksplorimit të energjisë bërthamore.

a.k