Dështon Roberto Benigni si interpretuesi televiziv i Komedisë Hyjnore; audienca ka mbërritur në 4,5%

Roberto Benigni ka nënshkruar një kontratë me RAI 2-shin, por nuk i ka përmbushur pritmëritë e drejtuesve të këtij kanali televiziv. Duke parë një sukses fillestar të komikut italian të famshëm në të gjtihë botën në rolin e “interpretuesit të Komedisë Hyjnore të Dantes”, RAI 2 u ngut të lidhte një kontratë për 12 emisione, e u zotua, gjithnjë mbi bazën e kontratës, t’i paguante Benignit afro 6 milionë euro. Dhe llogaritë i kishin bërë me idenë se programin në prime time do ta ndiqnin 15% e teleshikuesve. Por kanë gabuar. Programin ‘Tuttodante’ e kanë ndjekur fillimisht 8% e audiencës, ndërsa sot përqindja është ulur në 4,5%. E kështu rezulton të jetë një nga më pak të ndjekurit në televizionet italiane.

Me këtë ka dështuar, me sa duket, dhe ambicja apo shpresa për të bërë në TV programe shumë të sofistikuara në pikëpamje kulturore.

Re.Pu.