Cili politikan porositi tritolin për Ardian Kollozin?

Julian Sinanaj tregon se për vendosjen e tritolit në apartamentin e Ardian Kollozit, ka marrë porosi që të mos e vriste. Vrasësi më pagesë ka dëshmuar se, “porosia” ishte bërë nga një politikan, ndërsa si pagesë ai do të merrte 7 500 euro. Por, sipas prokurorisë e gjitha kjo mund të jetë një “blof” i ndërmjetësve Andon dhe Genis Mëhillaj. Kjo pasi anëtarët e grupit hetimor kanë ngritur dyshime të forta, se porosia ka qenë direkt e Mëhillajve, duke marrë parasysh konfliktet që këta kanë pasur me disa zyrtarë të ALUIZNI-t në Vlorë, për regjistrimin e disa banesave pa lejë. Shpërthimi i apartamentit të Adrian Kollozit ndodhi gjatë fushatës elektorale të zgjedhjeve parlamentare të 23 qershorit 2013-të. S.S