Berisha garanton zgjedhje të standardeve, dhe kërkon vëzhgues; këtë punë ka bërë gjithë kohën

Berisha ka marrë pjesë në punimet e Samitit të partive popullore në Bruksel, dhe ka lëshuar një njoftim të tijin në facebook lidhur me këtë ngjarje. Pasi përmend faktin që u ka dhënë dorën të gjithëve, e ka shkëmbyer mendime me ta (“gjatë punimeve u përshëndeta dhe shkëmbeva shkurtimisht mendime me pothuaj të gjithë Kryeministrat, Presidentët dhe miqtë e tjerë të pranishëm në Samit”, shkruan ai), hidhet në çështjen kryesore.

“Në Samit mora fjalën [duhet të ketë rënë në sy dhe te të pranishmit,qëe Berisha e merr fjalën gjihtmonë. M.N.], dhe garantova pjesëmarrësit me vendosmërinë e PD-së dhe qeverisë për të garantuar zgjedhje të standardeve më të mira ndërkombëtare. Ftova të gjithë të pranishmit të dërgojnë nëpërmjet ODHIR-it vëzhguesit më të shumtë në zgjedhjet tona të përgjithshme, sikundër denoncova përpjekjet e opozitës dhe mbështetësve të saj për demonizimin e zgjedhjeve.”

Ky njeri ka 15 vjet që garanton për zgjedhje të standardeve, dhe fton gjithë të huajt të vinë sa më shumë të jetë e mundur të vëzhgojnë këto zgjedhje. Kjo duhet të jetë arsyeja që ne përmendemi nga të gjithë si vendi që nuk bëjmë dot zjedhje.

M. Nano