A është “shaka” kjo që ndodh në këtë video? Policia shqiptare thotë “PO”!

Një video që po qarkullon në internet ka shkaktuar indinjatën e shumë personave që nuk kanë hezituar të bëjnë komente të ndryshme e madje edhe të bëjnë thirrje publike për të hetuar mbi ngjarjen, me qëllim ndëshkimin e autorëve. Bëhet fjalë për një video të realizuar në fshatin Arrëz në Berat, ku një i moshuar varet në litar nga disa të afërm të tij dhe ngrihet lart nga një eskavator. Duke marrë shkas nga reagimet e shumta në media, Policia e Shtetit e ka hetuar ngjarjen dhe ka dalë në përfundimin se gjithçka ishte “një shaka”.

 “Personi që është lidhur dhe varur është shtetasi K.Tafa, 62 vjeç, lindur dhe banues në fshatin Arrëz të rrethit Berat. Nga deklarimet e marra rezulton se ky shtetas është i punësuar prej 20 vjetësh në biznesin e shtetasit N.Tafa, vendi ku edhe ndodhi ngjarja e regjistruar në video. Të gjithë personat e pyetur, përfshirë edhe 62 vjeçarin K.Tafa kanë deklaruar se kjo video është bërë për humor dhe se mes tyre ka lidhje të ngushta fisnore dhe marrëdhënie të mira. Pas diskutimit të rastit në fjalë dhe të dhënave të mbledhura nga Policia me Prokurorinë e Rrethit Gjyqësor Berat, rezulton se nuk jemi përpara asnjë vepre penale të kryer nga personat e paraqitur” thuhet në njoftimin e policisë.

Shikoni videon: http://www.youtube.com/watch?v=-mcHlLjXhQQ

k.k