5 milionë euro. Kaq ka kushtuar deri më tani fushata elektorale e Erion Veliajt, sipas Kastriot Islamit

Sa kushton fushata elektorale? Është një pyetje, e cila nëse merr përgjigjen e duhur, shpjegon më tej edhe pse politika shqiptare është kaq e dashuruar me krimin dhe persona me rekorde kriminale. Të cilët i mbron e nuk i lëshon. Në fushatën e tanishme, bie në sy sidomos Ilir Meta, lëvizjet e të cilit shoqërohen nga një përkujdesje deri në detaje e skenografisë, e asaj qëthuhet, e transmetimit dhe e afishimit të posterave kudo. Ditët e fundit kanidatë të ndryshëm kanë nisur të përcjellin edhe spote televizive. Dy të tillë janë vetëm për Erion Veliajn, kandidat i shumicës në Tiranë: një që ironizon drejtimin e Bashkisë nga Lulzim Basha dhe një tjetër ku Edi Rama, kryeministri, propagandon për Erion Veliajn. Meqenëse kandidatët nuk bëjnë prezente të dhënat, është mirë që çdo përpjekje për përllogaritje të sillet në vëmendje. Një të tillë e ka bërë deputeti Kastriot Islami, që e njeh mirë Partinë Socialiste, por edhe teknologinë e marketingut politik që frymëzohet dhe financohet nga Edi Rama. Ja se çfarë thotë Islami për fushatën e Veliajt: “Zyrat elektorale...Kosto e tyre per minimalisht 3 muaj thuhet se është rreth 2000-2500 euro secila; thuhet që janë afërsisht 250 pra ato kushtojnë rreth 500 mijë euro...Duhen fotografuar të gjitha dhe duhet bërë llogaritja e saktë e kostos...Posterat elektorale, duhen fotografuar dhe numëruar; thuhet që në Tiranë janë vendosur mbi 1000 postera me vlerë mesatare prej 1000 euro secili, pra në total rreth 1 milionë euro; spotet elektorale,  autobuzët elektoralë...Kam përshtypjen, qofsha i gabuar, se të gjithë këto elementë të fushatës së Erion Veliajt thuhet se kushtojnë jo më pak sesa 5 milionë euro...Prandaj duhen mbajtur shënim të gjitha dhe duhet bërë transparenca, në mënyrë që së pari të dalë e vërteta e shpenzimeve; së dyti të shikohet sesi do të përputhet deklarimi i shpenzimeve nga kandidati me llogaritjet e sakta nga auditi për të nxjerrë në pah "ndershmërinë" e deklarimit dhe së treti për t’u treguar saktësisht shqiptarëve sesa u ka kushtuar fushata e Erion Veliajt...”, shkruan Islami në Facebook.

https://www.facebook.com/pages/Prof-Dr-Kastriot-Islami/1460541267560760?...

s.z