Rihapet universiteti i Sarandës. “Një lajm i madh për sarandiotët”, thotë Kokëdhima. A do të ketë një universitet edhe në Himarë?

Kaq ishte. Një kontroll, një urdhër mbylljeje masiv dhe universitetet që ishin ngado po rikthehen. Një vend që nuk arrin dot të disiplinojë as tekstet e kopshteve, i lejon vetes të miratojë “planin e përhapjes” në të katërta anët e atdheut, të universiteteve. Ja se çfarë thotë Ministria e Arsimit për Universitetin motak të Sarandës, edhe ky i mbyllur më 2013-ën. “Ministrja e Arsimit Lindita Nikolla njoftoi gjatë një takimi të ditës së sotme me studentë e pedagogë në Sarandë, vendimin e Ministrisë së saj për t’i dhënë kuota të reja Universitetit të Sarandës për vitin mësimor 2015-2016. Kjo erdhi pas inspektimit final të komisionit të Vlerësimit të Drejtorisë së Arsimit të Lartë pranë kësaj Ministrie, i cili konstatoi se, Filiali i Universitetit të Tiranës në Sarandë gjatë vitit të fundit, ka korrigjuar mangësitë kryesore të vërejtura një vit më parë dhe ka arritur standardet, që i lejojnë këtij Universiteti të rifillojë aktivitetin akademik”, raporton “Mapo”. Dhe pak më poshtë: “Këtij lajmi i gëzohej së tepërmi edhe deputeti socialist i Sarandës Koço Kokëdhima, i cili shkruante se “ky është një lajm i madh për sarandiotët dhe për banorët e fshatrave e qytezave përreth”. Mirë standardet u arritën, po sarandiotët pse do gëzoheshin xhanëm? Po për himarjotët e qeparotasit kush po mendon? Sidomos tani që u bashkuan me Labërinë dhe aq më tepër që siç tha kryeministri “janë njerëz të çuditshëm”(http://www.mapo.al/2015/06/rihapet-universiteti-i-sarandes)...

s.z