Kreshnik Spahiu përpiqet të hyjë sërish në lojë. Frazat të njëjta: “Miliona shqiptarë do rrethojnë zyrën e Ramës nëse firmos paktin e detit”

Kreshnik Spahiu është rikthyer sërish. Ose të paktën po përpiqet. Dhe sërish me të njëjtën temë: gjurmimin e ndonjë akti të mundshëm tradhtie nga politika në raport me fqinjët. I pyetur në “Studio e Hapur” ai ka folur për zhvillimet politike dhe fatin e partisë së tij, Aleanca Kuq e Zi. Së pari është marrëveshja e detit që po rinegociohet me Greqinë. “Venizelos ka deklaruar se marrëveshja e detit së shpejti do të hyjë në fuqi. Kryeministri nuk do të gjejë vrimë ku të futet, sepse miliona shqiptarë do ta rrethojnë zyrën e tij”, ka thënë Spahiu. Pastaj çështja tjetër që ka ngritur është rreshtimi i Shqipërisë në krizën aktuale në Krime. “E dini që pati një hezitim për sa i përket sulmit të Rusisë? Pse, tani e ka gjetur Shqipëria momentin për të futur Kasparovin në sistemin arsimor? Po a është e drejtë që kryeministri t’u lutej dhe lëpihej serbëve për të shkuar në Beograd?”, ka vijuar Spahiu, i cili teksa ka folur për gabimet e AKZ-së ka nënvizuar: “jemi e vetmja forcë që nuk jemi lëpirë për të marrë kockat e pushtetit”.

s.z